އަލިފާން ރޯވި ގާމަގު ކެފޭ އިމާރާތް ތަޅާލުމުގެ މަސައްކަތް ފަށައިފި

އަހުމަދު ނިހާން

10 ސެޕްޓެމްބަރ 2024 - 18:17

0 comments

މާލޭގައި އިއްޔެ އަލިފާނުގެ ހާދިސާ ހިނގި ގާމަގު ކެފޭ ހިންގި އިމާރާތް ތަޅާލުމުގެ މަސައްކަތް ލޯކަލް ގަވަމެންޓް މިނިސްޓްރީން ފަށައިފި އެވެ.

ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓަރު އާދަމް ޝަރީފް އެކްސްގައި ވިދާޅުވި ގޮތުގައި:

އިމާރާތް ތަޅާލަނީ އެތަނުގެ ސަބަބުން އާންމުންނަށް ނުރައްކަލެއް ކުރިމަތިވެދާނެތީ
ތަޅާލުމުގެ މަސައްކަތް ކުރިއަށް އޮތް 3-4 ދުވަހުގެ ތެރޭގައި ނިންމާލެވޭނެ ކަމަށް ލަފާ ކުރެވޭ

އިއްޔެ ހަވީރު 3:00 ހާއިރު ރޯވި އަލިފާންގަނޑު ކޮންޓްރޯލް ކުރެވުނީ އެމްއެންޑީއެފްގެ ފަޔާ އެންޑް ރެސްކިއު އިން ކުރި މަސައްކަތުން ގަޑިއެއްހާއިރު ފަހުންނެވެ. އެ ހާދިސާގެ ސަބަބުން 57 މީހަކު ހާލުގައި ޖެހުނެވެ.

މިނިސްޓްރީން މީގެ ކުރިން ވަނީ މާލޭގައި ފަޅަށް ހުރި އަދި ފަހުން މަސްތުވާތަކެތި ބޭނުންކުރާ މީހުންގެ އައްޑާއެއްގެ ގޮތުގައި ބޭނުންކުރި މ. ރަބީއުވިލާ ވެސް ތަޅާލައިފަ އެވެ.