ތަހުގީގީ އިދާރާތަކަށް އެއްބާރުލުން ދޭން އެލްޖީއޭއިން ގޮވާލައިފި

ހަސަން ހަލީމް

29 ޖެނުއަރީ 2025 - 13:58

0 comments

ތަހުގީގީ އިދާރާތަކުން ކުރިއަށް ގެންދާ ތަހުގީގުތަކަށް ހުރިހާ ކައުންސިލްތަކުން ވެސް އެއްބާރުލުން ދިނުމަށް ލޯކަލް ގަވަމެންޓް އޮތޯރިޓީ (އެލްޖީއޭ) އިން އަންގައިފި އެވެ.

އެލްޖީއޭއީން އެހެން ބުނެފައިވަނީ، އެންޓި ކޮރަޕްޝަން ކޮމިޝަން (އޭސީސީ)ން ތަހުގީގު ކުރަމުންދާ މައްސަލައަކާ ގުޅިގެން މިދިޔަ އާދިއްތަ ދުވަހު، ތިނަދޫ ސިޓީ ކައުންސިލްގެ އިދާރާއަށް އެ ކޮމިޝަނުން ވަނުމުން، އެއީ ވައްކަން ކުރުމުގެ ގޮތުގައި އެ ކައުންސިލުން ސިފަކޮށްފައި ވަނިކޮށެވެ.

އެލްޖީއޭއި ން މިއަދު ނެރުނު ބަޔާނެއްގައި ބުނީ،ހުރިހާ ގާނޫނުތަކަށް ކައުންސިލަރުން ތަބާވާން ގާނޫނުން ލާޒިމުކުރާ އިރު، ބައެއް ތަހުގީގީ އިދާރާތަކަށް ކައުންސިލްތަކުގެ އެއްބާރުލުން ނުލިބޭކަމުގެ ޝަކުވާ ލިބިފައިވާ ކަމަށެވެ. އެހެންވެ ތަހުގީގީ އިދާރާތަކަށް ފުރިހަމައަށް އެއްބާރުލުން ދިނުމަށާއި އެ އިދާރާތަކުގެ ގާނޫނީ ޒިންމާ އަދާކުރަން ކައުންސިލްތަކުން ހުރަސް ނޭޅުމަށް އިލްތިމާސް ވެސް ކޮށްފައިވެއެވެ.

އެލްޖީއޭ އިން ވަނީ އިދާރާތަކުން ކައުންސިލްތަކަށް އަންގާ އެންގުންތަކަށް ބޯލެނބުމަށް ނަސޭހަތްތެރިވެފަ އެވެ.