ޒަކިއްޔާގެ ހަށިގަނޑު މާލެ ގެނެސްފި

އަލީ ރާޒީ

11 ސެޕްޓެމްބަރ 2024 - 11:32

0 comments

ޒަހަމްތަކަކާ އެކު މަރުވެފައި އޮއްވައި ފެނުނު ޒަކިއްޔާ ---

ނ. ހޮޅުދޫގައި ޒަހަމުތަކަކާއެކު މަރުވެފައި އޮއްވައި ފެނުނު އެރަށު ޒަކިއްޔާ މޫސާގެ ހަށިގަނޑު މާލެ ގެނެސްފި އެވެ.

އެ ރަށު ނިއުލައިފް، ޒަކިއްޔާ މޫސާ، 50، މަރުވެފައި އޮއްވާ ފެނުނީ އޭނާ ދިރިއުޅޭ ގޭގެ ގޯތި ތެރެއިން އިއްޔެ ހެނދުނު އެވެ.

މިއީ މީހަކު ހިންގި ގަތުލެއް ކަމެއް / ނޫން ކަމެއް ސާފެއް ނުވެ އެވެ. ޒަކިއްޔާގެ މަރާ ގުޅިގެން ހޮޅުދޫގައި ވެސް ވަނީ ނުތަނަވަސް ކަމެވެ.

މި މައްސަލައިގެ ތަހުގީގަށް މާލެއިން ހާއްސަ ތަހުގީގު ޓީމެއް ވަނީ ހޮޅުދޫ ގޮސްފަ އެވެ.

މި މައްސަލައާ ގުޅިގެން އެއްވެސް މީހަކު މިހާތަނަށް ހައްޔަރުކޮށްފައި ނުވާ ކަމަށް ފުލުހުން ރޭ ބުނެފައިވެ އެވެ.

ޒަކިއްޔާ ދިރިއުޅޭ ގޭގެ ބަދިގެ ފަރާތުގައި ހުންނަ ގުދަނެއް ކައިރީގައި އޭނާ މަރުވެފައި އޮއްވާ ފެނުނީ އެ ގެއަށް ކުނި ނަގަން ދިޔަ ބިދޭސީންތަކަކަށް ކަމަށް އެނގިފައިވެ އެވެ.

ޒަކިއްޔާ އަކީ މިދިޔަ އަހަރު އުމުރާގެ އަޅުކަން އަދާކޮށްފައިވާ ތަނަވަސް އާއިލާއެއްގެ މީހެއް ކަމަށް ހޮޅުދޫ މީހުން ބުނެ އެވެ.

ޒަކިއްޔާ މަރުވިއިރު ފިރިއަކާއި ދެ ކުދިންނާއި މަމަ ދަރިއަކު ހުރެ އެވެ. ޒަކިއްޔާއާ އެކު އެއް ގެއެއްގައި އެއް ދަރިއަކު ދިރިއުޅެ އެވެ.