ހުޅުމާލެއާއި މާލޭގެ ބައެއް ސަރަޙައްދުތަކުން މާދަމާ ކަރަންޓު ކެނޑިދާނެ

އަލީ ރާޒީ

12 ސެޕްޓެމްބަރ 2024 - 15:28

0 comments

މާލެ

ހުޅުމާލެއާއި މާލޭގެ ބައެއް ސަރަޙައްދުތަކުން ހުކުރު ދުވަހު ކަރަންޓު ކެނޑިދާނެކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް، ސްޓެލްކޯއިން ބުނެފި އެވެ.

އެ ކުންފުނިން އެކްސްގައި ކުރި ޕޯސްޓެއްގައި ބުނީ އެ ސަބްސްޓޭޝަނަށް އެނާޖައިޒް ކުރުމަށް ކުރަންޖެހޭ މަސައްކަތްތަކަށް މާދަމާ ހެނދުނު 6:00 އިން 7:00 އަށް މާލެ އާއި ހުޅުމާލެގެ ބައެއް ސަރަަހައްދުތަކުން ކަރަންޓު ކެނޑުން އެކަށީގެންވާ ކަމަށެވެ.

ސްޓެލްކޯ އިން ބުނިގޮތުގައި، އެ ސަބްސްޓޭޝަންގައި 50 އެމްވީއޭގެ ހައިވޯލްޓޭޖް ދެ ޓްރާންސްފޯމަރާއި ހައިވޯލްޓޭޖް ސްވިޗް ގިއަރާއި ހުޅުމާލެ 2 އަކަށް ބޭނުންވާ ކަރަންޓު ފޯރުކޮށްދިނުމަށް ބަހައްޓާފައިވާ މީޑިއަމް ވޯލްޓޭޖްގެ އައުޓްގޮއިން ފީޑަރުތައް ހިމެނެ އެވެ.