އައިޕީޔޫ އެސެމްބްލީގައި ބައިވެރިވެވަޑައިގަތުމަށް އަބްދުއްރަހީމް ޖެނީވާއަށް

އިސްމާއިލް ރިޒާ

13 އޮކްޓޫބަރ 2024 - 10:59

0 comments

އަބްދުއްރަހީމް އަބްދުﷲ ޖެނީވާއަށް ފުރާވަޑައިގަންނަވަން އެއާޕޯޓުގައި --

އިންޓަ ޕާލިމަންޓަރީ ޔޫނިއަން (އައިޕީޔޫ)ގެ 149 ވަނަ އެސެމްބްލީގައި ބައިވެރިވެވަޑައިގަތުމަށް، ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުﷲ ރޭ ޖެނީވާއަށް ފުރާވަޑައިގެންފިއެވެ.

ސްވިޒަލެންޑުގެ ޖެނީވާގައި މި މަހުގެ 13-17 އަށް ބާއްވާ އައިޕީޔޫގެ 149 ވަނަ އެސެލްބްލީގައި އަބްދުއްރަހީމްގެ އަރިހުގައި ބައިވެރިވެވަޑައިގަންނަވަނީ ވިލިމާލޭ ދާއިރާގެ މެންބަރު މުހައްމަދު އިސްމާއީލް، ފުވައްމުލަކު މެދު ދާއިރާ އަލީ ފަޒާދު، ހުޅުދޫ ދާއިރާގެ މެންބަރު މުހައްމަދު ޝާހިދު އަދި ކަނޑިތީމު ދާއިރާގެ މެންބަރު އަމީން ފައިސަލް އެވެ.

މި އެސެމްބްލީގެ މައިގަނޑު މައުޟޫއެއްގެ ގޮތުގައި ކަނޑައަޅައިފައިވަނީ ސައިންސާއި ޓެކްނޮލޮޖީ އަދި އީޖާދުގެ ބޭނުން ހިފައި، ސުލްހަވެރި ދެމެހެއްޓެނިވި މުސްތަގްބަލެއް ބިނާކުރުމެވެ.

ހަމައެއާއެކު ގާނޫނު ހަދާ މަޖިލިސްތަކުގެ ބޭފުޅުންގެ މެދުގައި އެ ދާއިރާއިން މަޝްވަރާކޮށް، ދައުރު ފުޅާކުރުމާ ގުޅޭގޮތުން ވާހަކަދައްކާނެއެވެ.