ދިރާގުގެ ކޮންމެ އައު 5ޖީ ޓާބޯ 749 ޕްލޭނަކާއެކު ހިލޭ 5ޖީ ރައުޓަރެއް ލިބޭ ޕްރޮމޯޝަނެއް

ހަސަން ހަލީމް

09 ނޮވެމްބަރ 2024 - 18:07

0 comments

ދިރާގުން ހިލޭ 5ޖީ ރައުޓަރެއް ލިބޭ ހާއްސަ ލިމިޓެޑް ޓައިމް އޮފާގެ މުއްދަތު އިތުރުކޮށްފި އެވެ.

ދިރާގުން ބުނީ އެ ޕްރޮމޯޝަން މިހާރު، މިއަހަރުގެ ޑިސެމްބަރު 31ގެ ނިޔަލަށް ކުރިއަށްދާނެ ކަމަށެވެ.

ދިރާގުގެ މެނޭޖަ އެކުއިޒިޝަންސް އެންޑް ސީއެލްއެމް ޖަނާ އިބްރާހީމް ވިދާޅުވީ އެ ކުންފުނިން އަބަދުވެސް މަސައްކަތް ކުރަނީ ކަސްޓަމަރުންނަށް ތަފާތު، ހިތްގައިމު އައު އޮފާތަކެއް ގެނެސްދީ، ފަސޭހަކަމާއެކު އެ ފަރާތްތައް ގުޅުވައި ދިނުމަށް ކަމަށެވެ.

"އެގޮތުން ދިރާގު 5ޖީ ޓާބޯ ވައިފައިއާ އެކު ކަސްޓަމަރުންނަށް ތަފާތު އަގުތަކާއި ޑޭޓާ އެލޮވެންސްތަކުގެ ޕޯސްޓްޕެއިޑް އަދި ޕްރީޕެއިޑް ޕްލޭންތައް ޚިޔާރުކުރެވޭނެ. އަދި މިއާއެކު އެ ފަރާތްތަކުގެ ހުރިހާ ސްޓްރީމިން، ބްރައުސިން އަދި ގޭމިން ބޭނުންތަކަށް 500 އެމްބީޕީއެސްއާ ހަމައަށް އިންޓަނެޓް ސްޕީޑް ތަޖުރިބާކޮށްލެވޭނެ،" އޭނާ ވިދާޅުވިއެވެ.

ދިރާގު 5ޖީ ޓާބޯ ވައިފައި ޕްލޭންތަކާއެކު ކަސްޓަމަރުންނަށް އިތުބާރު ކުރެވޭ، 5ޖީ ސްޕީޑްގެ ހަލުވި އިންޓަނެޓް ކޮންމެ ތަނެއްގައި ހުރެގެންވެސް ބޭނުންކޮށްލެވޭނެ އެވެ. އަދި 5ޖީ ޓާބޯ ޕޯސްޓްޕެއިޑް ޕްލޭންތައް ނަގާ ކަސްޓަމަރުންނަށް ޑޭޓާ ރޯލްއޯވާއާއެކު ބޭނުން ނުކުރާ ޑޭޓާ އެއް މަސް ދުވަހަށް ކުރިއަށް ގެންދެވޭނެ އެވެ. އަދި މީގެ އިތުރުން މި ޕްލޭންތަކާއެކު ހާއްސަ 5ޖީ ބޫސްޓަތައްވެސް ކަސްޓަމަރުންނަށް ނެގޭނެ އެވެ.

މިއޮފާ އަދި ދިރާގު 5ޖީ ޓަބޯ ވައިފައިއާ ބެހޭ އިތުރު މައުލޫމާތު ދިރާގު ވެބްސައިޓުން ލިބޭނެ އެވެ.

ދިރާގުން އަބަދުވެސް މަސައްކަތް ކުރަމުން ދަނީ ތަފާތު ގިނަ އައު އޮފާތައް ހެޔޮ އަގުގައި ކަސްޓަމަރުންނަށް ގެނެސްދިނުމަށެވެ.