މިނިސްޓަރު ތޯރިގު އަޒަރުބައިޖާނަށް ފުރާވަޑައިގެންފި

މަރިޔަމް އަނާ

10 ނޮވެމްބަރ 2024 - 15:24

0 comments

އަހަރަކު އެއް ފަހަރު ދުނިޔޭގެ ތިމާވެށީގެ އެންމެ ބޮޑު ސަމިޓް ކަމަށްވާ މި އަހަރު ބާއްވާ "ކޮޕް 29" ގައި ބައިވެރިވެވަޑައިގަތުމަށް ތިމާވެއްޓާ ބެހޭ މިނިސްޓަރު ތޯރިގް އިބްރާހީމް އަޒަރުބައިޖާނަށް ފުރާވަޑައިގެންފިއެވެ.

މި ސަމިޓު ކުރިއަށްދާނީ މިމަހުގެ 11 އިން 22ގެ ނިޔަލަށް އަޒަރުބައިޖަންގެ ވެރިރަށް ބާކޫގަ އެވެ. ކޮޕްގެ މި އަހަރުގެ ޝިއާރަކީ "އިން ސޮލިޑޭރިޓީ ފޯ އަ ގްރީން ވޯލްޑް" އެވެ.

މިނިސްޓަރު ތޯރިގު ވިދާޅުވީ މި ފަހަރުގެ ކޮޕް ސަމިޓުގައި ރާއްޖޭން މުހިންމު ދައުރެއް އަދާކުރާނެ ކަމަށެވެ.

އެ ގޮތުން ކޮޕްގެ ހަވާސާގައި ހަތަރު އިވެންޓެއް ރާއްޖޭން އިންތިޒާމު ކުރުމަށް ވަނީ ހަމަޖެހިފަ އެވެ.

ކޮޕް 29 ގައި ރައީސް ޑރ. މުހައްމަދު މުއިއްޒު ވެސް ބައިވެރިވެވަޑައިގެން ތަޤުރީރު ކުރެއްވުމަށް ހަމަޖެހިފައިވެ އެވެ. މިދިޔަ އަހަރު ދުބާއީގައި ބޭއްވި ކޮޕް-28 ގައި ވެސް ރައީސް ބައިވެރިވެވަޑައިގެންނެވި އެވެ. ންނަވާފައެވެ.

ކޮޕް 29 ކުރިއަށް ދާނީ މާދަމާ އިން ފެށިގެން މި މަހުގެ 22 އާ ހަމައަށް އަޒަރުބައިޖާންގެ ވެރިރަށް ބަކޫގަ އެވެ. ސަމިޓްގެ މި އަހަރުގެ ޝިޢާރަކީ "އިން ސޮލިޑޭރިޓީ ފޯ އަ ގްރީން ވޯލްޑް" އެވެ.