ކާރެއް ތެރޭ މީހަކު ރަހީނުކުރިކަމަށް ބުނެ ފިރިހެނަކު ހައްޔަރުކޮށްފި

އަލީ ރާޒީ

12 ނޮވެމްބަރ 2024 - 14:34

0 comments

ކާރެއް ތެރޭ މީހަކު ރަހީނުކުރިކަމަށް ބުނެ ހައްޔަރުކުރި ފިރިހެން މީހާ ---

ހުޅުމާލޭގައި ކާރެއް ތެރޭގައި މީހަކު ރަހީނުކޮށްގެން ފައިސާ ހޯދަން އުޅުނު މައްސަލައެއްގައި މީހަކު ހައްޔަރުކޮށްފި އެވެ.

ދިވެހި ފުލުހުންގެ ހިދުމަތުން މީޑިޔާއަށް މައުލޫމާތު ދިން ގޮތުގައި މި ހާދިސާ ހިނގީ އިއްޔެ ހުޅުމާލޭގެ އޯކިޑްމާ ހިނގުމުގަ އެވެ. އެ މަގުގައި އޮތް ކާރެއް ތެރޭގައި ރަހީނުކޮށްގެން ހިފަހައްޓާފައިވަނީ ދިވެހި ފިރިހެނެއްކަމަށް ފުލުހުން ބުންޏެވެ.

މި މައްސަލާގައި ހައްޔަރުކުރި މީހާގެ ވަނަވަރުވެސް ފުލުހުން ހާމަކުރި އެވެ. ހައްޔަރުކުރީ މާލޭ، ދަފްތަރު ނަންބަރު ރސ 9022، އުމުރުން 37 އަހަރުގެ ތަލާލު މޫސާ އެވެ.

އެ މައްސަލަ ބަލަމުން އަންނަކަމަށް ވެސް ފުލުހުން ވަނީ ބުނެފައެެވެ.

ފަހަކަށް އައިސް މީހުން ރަހީނުކުރުމުގެ މައްސަލަތައް ކަންބޮޑުވާ މިންވަރަށް މާލޭގައި ވަނީ އިތުރުވެފައެވެ.