ވޭޕް މަނާކުރަން މަޖިލީހުން ފާސްކޮށްފި

އަހުމަދު ނިހާން

12 ނޮވެމްބަރ 2024 - 14:44

0 comments

ރާއްޖޭގައި ވޭޕް މަނާކުރަން ރައީސް ޑރ. މުހައްމަދު މުއިއްޒު ނިންމެވި ނިންމުން ތަންފީޒުކުރުމަށްޓަކާ ގާނޫނަށް ގެންނަ އިސްލާހުތަކާއި ގުޅޭ ބިލު ރައްޔިތުންގެ މަޖިލީހުން މިއަދު ފާސްކޮށްފި އެވެ.

މިގޮތަށް ފާސްކުރީ، ސަރުކާރުގެ ފަރާތުން ހެންވޭރު އުތުރު ދާއިރާގެ މެންބަރު އަހުމަދު އައިފާން ރައްޔިތުންގެ މަޖިލީހަށް ހުށަހެޅުއްވި ދުންފަތާ ގުޅޭ ބިލަށް ގެނައި އިސްލާހުތަކުގަ އެވެ.

ދުންފަތުގެ ނުރައްކަލުން ޖީލުތައް ސަލާމަތްކުރަން ސަރުކާރުގެ ފަރާތުން ހުށަހެޅި މި އިސްލާހުގައި ވަނީ، އެ ކަންކަމާ ޚިލާފުވާ ނަމަ ބޮޑު އަދަދުން ޖޫރިމަނާ ކުރަން ވެސް ހިމަނައިފަ އެވެ.

ބިލުގައިވާ ގޮތުން ވޭޕް ކުރަން ބޭނުން ކުރާ އާލާތްތަކާއި އެކަމަށް ތައްޔާރު ކޮށްފައިވާ އުފެއްދުންތައް އެތެރެކޮށްފި ނަމަ، 50،000ރ. އަދި އެތެރެކުރާ ކޮންމެ އިލެކްޓްރޯނިކް ސިނގިރޭޓް ނުވަތަ ވޭޕް އާލާތަކަށް 10،000ރ.ގެ މަގުން ޖޫރިމަނާ ކުރެވޭނެ އެވެ.

މި ބިލަށް އަމަލުކުރަން ފެށުމަށް ހަމަޖެހިފައިވަނީ މި މަހުގެ 15 އިން ފެށިގެންނެވެ. އަދި އެ ތަކެތި ބޭނުން ކުރުން އަންނަ މަހުގެ 15 ވަނަ ދުވަހުން ފެށިގެން މަނާ ވާނެ ކަމަށް ބިލުގައި ވެ އެވެ.