އިންޑިއާގައި ދިވެއްސަކު މަރުވެފައި އޮއްވައި ފެނިއްޖެ

އައިމިނަތު ޝިޔާޒާ

15 ނޮވެމްބަރ 2024 - 14:16

0 comments

އިންޑިއާގެ ބެންގަލޫރު އުތުރުގެ އާރްޓީ ނަގަރުގެ ހޮޓަލެއްގެ ކޮޓަރިއެއްގެ ތެރޭގައި ދިވެއްސަކު މަރުވެފައި އޮއްވާ ފެނިއްޖެ އެވެ.

އިންޑިޔާ ނޫސްތަކުގައި ރިޕޯޓުކުރި ގޮތުގައި މިދިޔަ ބުދަ ދުވަހު ބެންގަލޫރުގެ ހޮޓަލެއްގައި މަރުވެފައި އޮއްވައި ފެނުނީ އުމުރުން 43 އަހރުގެ ހަސަން ސުހައިލު ނަމަކަށް ކިޔާ މީހެކެވެ.

އިންޑިޔާގެ ފުލުހުން ބުނެފައިވާ ގޮތުގައި ސުހައިލު އިންޑިޔާއަށް އައީ ނިމުނު ހަފުތާގެ އާދީއްތަ ދުވަހު އެވެ. އޭނާ މަރުވެފައި އޮއްވައި ފެނުނީ ހޮޓަލުން ޗެކްއައުޓުވާން އޮތު ދުވަހު އެވެ.

އޭނާ މަރުވީ ލޭގެ ޕްރެޝަރު ދަށްވެ ޑިހައިޑްރޭޓްވުމުގެ ސަބަބުން ހާޓް އެޓޭކެއް ޖެހިގެންކަމަށް ބެލެވޭ ކަމަށް ފުލުހުން ބުނެފައިވެ އެވެ.

އާރްޓީ ނަގަރު ފުލުހުން ވަނީ އެކަން މޯލްޑިވްސް ހައިކޮމިޝަނާއި އިމިގްރޭޝަން އޮފީހަށް އަންގާފަ އެވެ.

ސުހެއިލް އެނބުރި ރާއްޖެ އައުމަށް ޓިކެޓް ނަގާފައި އޮތީ މިއަދަށެވެ. އޭގެ ކުރިން މަދްޔާ ޕްރަދޭޝްއާއި މުމްބާއީއަށް ދިއުމަށް ސުހެއިލް ވަނީ ރާވާފަ އެވެ.