ދޯންޏެއްގެ ބުރަފަތީގައި ޖެހި ކުޑަކުއްޖަކު ނިޔާވެއްޖެ

މަރިޔަމް އަނާ

08 ނޮވެމްބަރ 2024 - 19:39

0 comments

އދ. ދިގުރަށް: ރާއްޖެ އައި ސިންގަޕޫރުގެ އަންހެން ކުއްޖެއް ދޯންޏެއްގެ ބުރަފަތީގެ ޖެހި ވަނީ މަރުވެފައި

އދ. ދިގުރަށުގައި ޗުއްޓީ ހޭދަކުރަމުން ދިޔަ ސިންގަޕޫރަށް ނިސްބަތްވާ އުމުރުން 15 އަހަރުގެ ކުޑަކުއްޖަކު، މޫދަށް ފުންމާލި ވަގުތު ދޯނީގެ ބުރަފަތީގައި ޖެހި ޒަޚަމްވެގެން ނިޔާވެއްޖެއެވެ.

ދޯނީގެ ބުރަފަތީގައި ޖެހުނީ ސްނޯކްލިން އަށް މޫދަށް ފުންމާލި ވަގުތު ކަމަށް ފުލުހުން ބުންޏެވެ.

ހާދިސާ ހިނގުމާ އެކު އެ ކުއްޖާ ދިގުރަށު ސިއްހީ މަރުކަޒަށް ގެންދިޔަ ކަމަށާއި އެކަމަކު ގެންދިޔައިރު ވެސް އޮތީ މަރުވެފައި ކަމަށް އެތަނާ ހަވާލާދީ ފުލުހުން ބުންޏެވެ.

"ސްނޯކްލިއަންއަށް ގޮސް ދޯނިން މޫދަށް ފުންމާލި ވަގުތު ދޯނީގެ ބުރަފަތީގައި ޖެހިގެން ޒަހަމްވީ" ކަމަށް، ފުލުހުންގެ މީޑިއާ ގްރޫޕްގައި ޖެހި މެސެޖެއްގައި ބުންޏެވެ.

ފުލުހުން ބުނީ ހާދިސާ ތަހުގީގުކުރަމުން އަންނަ ކަމަށެވެ.