ފުރުޤާން މިސްކިތަށް ގެއްލުންދީފި

އަލީ ރާޒީ

24 ނޮވެމްބަރ 2024 - 11:39

0 comments

ފުރުޤާން މިސްކިތައް ގެއްލުންދީފައި: މި މައްސަލަ ފުލުހުން އަންނަނީ ތަހުގީގުކުރަމުން --

ފުރުގާން މިސްކިތުގައި ހުރި މުސްހަފްތައް އުކާލައި، މިސްކިތުގެ އެހެނިހެން ތަކެއްޗަށް ބޮޑެތި ގެއްލުންތައް ދީފި އެވެ.

މި މައްސަލަ ފުލުހުންނަށް މިއަދު ހެނދުނުގެ ވަގުތެއްގައި ރިޕޯޓުކޮށްފައިވާ ކަމަށް ފުލުހުން ބުންޏެވެ. އެހެންވެ، ފުލުހުން ވަނީ އެ މައްސަލަ ތަހުގީގުކުރަން ފަށައިފައެވެ.

ޝެއިޙް އާދަމް ނިޝާން އަލީ އާދަމް ފޭސްބުކްގައި ކޮށްފައިވާ ޕޯސްޓެއްގައި ބުނީ، ރޭ ފަތިސް ނަމާދުގެ ކުރިން ފުރުޤާން މިސްކިތަށް ބޮޑެތި ގެއްލުންތަކެއް ދީފައިވާ ކަމަށެވެ. އެ ގޮތުން، ހަތިމުތައް މުޅި ތަނަށް އުކާލައި، އިމާމު ހުންނަ ދިމާލުގައި ހުރި ކަރަންޓު ބޯޑުތަކާއި އެއަށް ޖަހާފައި ހުރި އެޑެޕްޓަރުތައް ވެސް ހަލާކުކޮށްލާފައިވާ ކަމަށް އޭނާ ބުންޏެވެ.

"މިވަރު ކުރަމުންދާއިރު މިސްކިތްތަކުގައި ކެމެރާ ހަރުކޮށްގެން 24 ގަޑި އިރު މާލެ ސިޓީ ކައުންސިލުން ބަލަން ތިބޭ ތިބުމުގެ އެއްވެސް ފައިދާއެއް އެބައޮތްތޯއެވެ؟ އަދި ކީރިތި ޤުރްއާނަށާއި، الله ގެ ގެކޮޅުގެ ހުރުމަތް ކަނޑައިގެން އެތައް ފަހަރަކު މީނާގެ މައްސަލަ ފުލުހަށް ރިޕޯޓު ކުރެވިފައިވާ އިރު މިކަމަށް އެޅޭނެ ފިޔަވަޅެއް މިދައުލަތުގައި ނެތީހެއްޔެވެ؟" ނިޝާން ވިދާޅުވި އެވެ.

މި މައްސަލަ ފުލުހަށް ހުށަހަޅާފައިވާ ކަމަށް ވެސް އޭނާ ވިދާޅުވި އެވެ. މިކަމާ ގުޅިގެން ބުނީ މައްސަލަ ތަހުގީގު ކުރަމުންދާ ކަމަށެވެ. އިތުރު ތަފްސީލެއް އަދި ނުދެ އެވެ.