ބީއެމްއެލްގެ ޑެޕިޔުޓީ ސީއީއޯ އަދި ސީއޯއޯގެ މަގާމަށް ސަހާ އައްޔަންކޮށްފި

އަހުމަދު ނިހާން

01 ޑިސެމްބަރ 2024 - 13:00

0 comments

ސަހާ ވަހީދު

ބޭންކު އޮފް މޯލްްޑިވްސް (ބީއެމްއެލް)ގެ ޑެޕިޔުޓީ ސީއީއޯ އަދި ޗީފް އޮޕަރޭޓިން އޮފިސަރު (ސީއޯއޯ)ގެ މަގާމަށް ސަހާ ވަހީދު އައްޔަންކޮށްފި އެވެ.

ބޭންކިން ދާއިރާއިން 18 އަހަރަށް ވުރެ ގިނަ ތަޖުރިބާ ހާސިލުކޮށްފައިވާ ސަހާ ބީއެމްއެލްއާ ގުޅުނީ 2010 ވަނަ އަހަރު އެވެ. ބޭންކަށް 14 އަހަރަށް ވުރެ ގިނަ ދުވަހު ހިދުމަތް ކުރެއްވިއިރު އެންމެފަހުން ސަހާ އަދާކުރެއްވީ ޕީޕަލް އެންޑް ޗޭންޖު ޑިރެކްޓަރުގެ މަގާމެވެ.

އިނގިރޭސިވިލާތުގެ ލަންޑަން ސްކޫލް އޮފް އިކޮނޮމިކްސް އެންޑް ޕޮލިޓިކަލް ސައިންސްއިން ސަހާ ވަނީ އިކޮނޮމިކްސް އެންޑް އިކޮނޮމިކް ހިސްޓްރީގެ ދާއިރާއިން ޑިގްރީ ހާސިލުކުރައްވާފަ އެވެ. އަދި, މާސްޓާސް ފުރިހަމަ ކުރެއްވީ ކޮމާޝަލް ލޯގެ ދާއިރާއިންނެވެ.

އޭނާއަކީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ބޯޑުގައި ވެސް އިންނަވާ މެންބަރެކެވެ. އެ މަގާމަށް ސަހާ އައްޔަނުކުރީ ޑިސެމްބަރު 24, 2023 ގަ އެވެ.

ބީއެމްއެލްގެ ޑެޕިޔުޓީ ސީއީއޯއަކަށް ބޭފުޅަކު އައްޔަނު ކުރެއްވި އިރު މީގެ ކުރިން އެ މަގާމުގައި ހުންނެވި އާއިޝަތު ނޫރައްދީން ވަނީ 42 އަހަރަށް ފަހު ހިދުމަތުން ރިޓަޔާކުރައްވައިފަ އެވެ.