ބީއެމްއެލްއިން ސްޕޯޓްސް ސްކޮލަޝިޕަށް ހުޅުވާލައިފި

އަލީ ރާޒީ

02 ޑިސެމްބަރ 2024 - 18:58

0 comments

ބީއެމްއެލްއިން އިން މޯލްޑިވްސް އޮލިމްޕިކް ކޮމިޓީ (އެމްއޯސީ)އާ ގުޅިގެން ސްޕޯޓްސް ސްކޮލަޝިޕްގެ ދެވަނަ ފުރުސަތު ހުޅުވާލައިފި އެވެ.

ބީއެމްއެލްއިން ބުނީ މި ސްކޮލާޝިޕް ޕްރޮގްރާމުގެ އަމާޒަކީ އެތުލީޓުންގެ ހުނަރު ކުރިއަރުވައި ކުޅިވަރުގައި ފުރިހަމަ ކާމިޔާބީއެއް ހޯދުމުގައި އެހީތެރިވުން ކަމަށެވެ.

މި ސްކޮލާޝިޕްތަކަށް ކުޅުންތެރިން ހޮވުމުގެ ކަންތައް ބަލަހައްޓާނީ އެމްއޯސީން ކަމަށް ބީއެމްއެލްއިން ވަނީ ބުނެފައެވެ. އަދި މި ސްކޮލާޝިޕްގައި ބައިވެރި ވެވޭނީ އެމްއޯސީގެ މެމްބަރު އެސޯސިއޭޝަންތަކަށެވެ.

މި ސްކޮލާޝިޕްގެ ދަށުން، ހުރިހާ ހަރަދަކާއެކު ރާއްޖޭން ބޭރުގެ ހައި ޕާފޯމަންސް ޓްރެއިނިން ސެންޓަރުތަކުގައި ތަމްރީން ހޯދުމުގެ ފުރުސަތު ކުޅުންތެރިންނަށް ލިބޭނެއެވެ.

މިއީ ބީއެމްްއެލްއިން ސްޕޯޓްސް ސްކޮލާޝިޕަށް ހުޅުވައިލާ ދެވަނަ އަހަރެވެ.

މި ޕްރޮގްރާމްގެ ފުރަތަމަ ބެޗްގައި، ހަތަރު ކުޅިވަރަކުން ހަތް ކުޅުންތެރިން ވަނީ ތަމްރީނު ފުރިހަމަކޮށްފަ އެވެ. މިއީ ރާއްޖޭގައި އެންމެ މޮޅު އަދި ހުނަރުވެރި ކުޅުންތެރިން ތަމްރީނު ކުރުމުގައި ކުރިއަށް އެޅުނު ވަރަށް މުހިންމު ފިޔަވަޅެއްގެ ގޮތުގައި ބީއެމްއެލްއިން ސިފަ ކުރެ އެވެ.