މިއަދު ބާއްވަން ތާވަލުކުރި ރައްޔިތުންގެ މަޖިލީހުގެ ޖަލްސާ ކެންސަލްކޮށްފި

އަލީ ރާޒީ

04 ޑިސެމްބަރ 2024 - 12:37

0 comments

މިއަދު ބާއްވާނެކަމަށް އިއްޔެ އިއުލާނުކުރި ރައްޔިތުންގެ މަޖިލީހުގެ ޖަލްސާ ކެންސަލުކޮށް ދެން ޖަލްސާއެއް ބާއްވާނީ އަންނަ ހޯމަދުވަހު ކަމަށް މަޖިލީހުގެ އިދާރާއިން ބުނެފި އެވެ.

އާންމު ގޮތެއްގަައި މަޖިލީހުގެ ޖަލްސާތައް އޮންނަނީ ކޮންމެ ހަފުތާއެއްގެ ހޯމަދުވަހާއި، އަންގާރަދުވަހާއި ބުދަދުވަހު އެވެ. އެ އުސޫލުގެ މަތިން އިއްޔެ މަޖިލީހުގެ ޖަލްސާގެ ރިޔާސަތުގައި އިންނެވި މަޖިލީހުގެ ނައިބުރައީސް އަހްމަދު ނާޒިމުވަނީ މިއަދު މަޖިލީހުގެ ޖަލްސާއެއް އޮންނާނެކަން އިއްޔެ ޖަލްސާ ނިންމަވައިލެއްވުމުގެ ކުރިން އިއުލާނު ކުރައްވާފަ އެވެ.

ރައްޔިތުންގެ މަޖިލީހުގެ ރަސްމީ މީޑިއާ ގްރޫޕުގައި ޖަލްސާ ނުބާއްވަނީތޯ ނޫސްވެރިޔަކު ސުވާލުކުރުމުން، ދިން ޖަވާބުގައި މަޖިލީހުގެ އޮފިޝަލަކު ވިދާޅުވީ ދެން ޖަލްސާއެއް އޮންނާނީ އަންނަ ހަފުތާގެ ހޯމަ ދުވަހު ކަމަށެވެ. އެއާ ގުޅޭ އިތުރު ތަފުސީލެއް ނުދެ އެވެ.