ޓްރީޓޮޕްގެ ނާސިން ސްކޯލާޝިޕް މި އަހަރު ހަތަރު ދަރިވަރަކަށް

މަރިޔަމް އަނާ

09 ޑިސެމްބަރ 2024 - 00:47

0 comments

ޓްރީޓޮޕް ހޮސްޕިޓަލުން ދޭ ނާސިން ސްކޮލްޝިޕްގެ އެވޯޑިން ހަފްލާ - ފޮޓޯ: ދައުރު

ޓްރީޓޮޕް ހޮސްޕިޓަލުން ވިލާ ކޮލެޖާ ގުޅިގެން ނަރުހުން ތަމްރީން ކުރަން ހަތަރު ސްކޮލަޝިޕް ފުރުސަތު މިއަދު ދީފި އެވެ.

އެ ހޮސްޕިޓަލުގައި ބޭއްވި ރަސްމިއްޔާތެއްގައި އެ ދަރިވަރުންނަށް ލިޔުން ހަވާލުކޮށްދެއްވީ އެ ހޮސްޕިޓަލުގެ ސީއީއޯ ޑރ. ސްރީވަތުސަން ސްރީދާރުގެ އިތުރުން ހޮސްޕިޓަލުގެ ވެރިންގެ ފަރާތުން ރަސްމިއްޔާރުގައި ބައިވެރިވެވަޑައިގެންނެވި ސާރާ މޫސާ އާއި އެ ހޮސްޕިޓަލުގެ ސޫޒަން ހާބާޓް އެވެ.

2021 ވަނަ އަހަރުން ފެށިގެން ކޮންމެ އަހަރަކު ވެސް ދޭ މި ސްކޮލާޝިޕް މި އަހަރު ލިބުނީ ވިލާކޮލެޖުގައިި ނާސިން ޑިޕްލޮމާ ކިޔަވާ4 ދަރިވަރުންނަށެވެ.

އެއީ ހަލީމަތު ހުލްވާ، އައިމިނަތު އިބްލާ، މަރިޔަމް މައިޝާ އަދި އައިމިނަތު އަތުފާއަށެވެ.

ޓްރީޓޮޕްގެ ސީއީއޯ ސްރިވާޓްސަން ސްރިދާރު ވިދާޅުވީ ނަރުހުން ތަމްރީން ކުރުމުގެ ޕްރޮގްރާމަކީ މީހުން ބިނާ ކުރުމަށް ކުރާ އިންވެސްޓެއް ކަމަށާއި އެގޮތުން ސްކޮލަޝިޕް ފުރިހަމަ ކުރާ ދަރިވަރުން ރާއްޖޭގައި ހިދުމަތް ކުރާނެ ކަމަށް އުންމީދު ކުރާ ކަމަށެވެ.

ވިލާ ކިލެޖުގެ ރެކްޓަރު ޑރ. އަހުމަދު އަންވަރު ވަނީ ވިލާކޮލެޖާ ގުޅިގެން ޓްރީ ޓޮޕުން ފޯރުކޮށްދޭ ނާށިން ސްކޮލާޝިޕްގެ ފުރުސަތުތަކަށް ޝުކުރު އަދާކުރައްވައިފަ އެވެ. އަންވަރު ވިދާޅުވީ ކުރިއަށް އޮތްތަނުގައި ވެސް ދެ ފަރާތް ގުޅިގެން ގިނަ ޕްރޮގްރާމުތަކެއް ކުރިއަށް ގެންދަން ރާވާފައިވާ ކަމަށާއި

ވިލާކޮލެޖާ ގުޅިގެން ޓްރީޓޮޕް ހޮސްޕިޓަލުން ދޭ މި ސްކޮލާޝިޕް ފުރުސަތުގައި15 ދަރިވަރުންނަށް ނާސިން ދާއިރާ އިން މަތީ ތައުލީމު ފުރިހަމަކުރުމުގެ ފުރުސަތު ވަނީ ފަހިކޮށްދީފަ އެވެ.