އެސްޓީއޯ ރޭޓުގައި މަސްވެރިންނަށް ތެޔޮ ވިއްކަން ފަށައިފި

އައިމިނަތު ޝިޔާޒާ

11 ޑިސެމްބަރ 2024 - 15:28

0 comments

ކަނޑައެޅިފައިވާ 5 ސަރަަހައްދަކުން މަސްވެރިންނަށް "އެސްޓީއޯ ރޭޓް" ގައި ތެޔޮ ވިއްކަން ފަށައިފި އެވެ.

މި ހަފުތާގައި މާލެ އަތޮޅުގެ ބައެއް ރަށްތަކަށް ރައީސް ކުރެއްވި ދަތުރުފުޅުގައި ގާފަރު ރައްޔިތުންނާ މުހާތަބުކުރައްވައި، އެ މަނިކުފާނު ވަނީ މާލެ އަތޮޅު ހިންމަފުށިންނާއި އައްޑޫ ސިޓީ ހުޅުމީދޫގެ އިތުރުން ކޫއްޑޫއާއި ފެލިވަރުން މަސްވެރިންނަށް އެސްޓީއޯ ރޭޓުގައި ތެޔޮ ގަންނަން ލިބޭނެ ކަމަށް ވިދާޅުވެފައެވެ.

އެސްޓީއޯއިން މިއަދު ބުނީ މަސްވެރިންނަށް ހެޔޮ އަގުގައި ތެޔޮ ފޯރުކޮށްދިނުމަށް ސަރުކާރުން ގެންގުޅޭ ސިޔާސަތުގެ ދަށުން، ރާއްޖޭގެ ކޮންމެ އަތޮޅެއްގެ މަދުވެގެން އެއް ރަށުން "އެސްޓީއޯ ރޭޓް" ގައި، ފިޝަރީޒް މިނިސްޓްރީގެ "ފަހި ހަކަތަ" ޕޯޓަލް މެދުވެރިކޮށް މަސްވެރިންނަށް ތެޔޮ ލިބޭނެ އިންތިޒާމު ހަމަޖެއްސުމުގެ މަސައްކަތް ކުރަމުން އަންނަ ކަމަށެވެ.

އެގޮތުން އިއްޔެ ފާހަގަކުރި ގައުމީ މަސްވެރިންގެ ދުވަހު ރައީސް އިއުލާނުކުރެއްވި ގޮތަށް، ހުޅުމާލެ ކަންނެލި ޖެޓީގެ އިތުރުން، ކ. ހިންމަފުށި، ޅ. ފެލިވަރު، ގއ. ކޫއްޑޫ، އަދި އައްޑޫ ހުޅުމީދޫން އެ ރޭޓުގައި ތެޔޮ ވިއްކަން މިހާރު ފަށާފައިވާ ކަމަށް ސަރުކާރުގެ ވިޔަފާރި ކުންފުނިން ބުންޏެވެ.

އެސްޓީއޯ އިން ބުނީ އަންނަ އަހަރުގެ ނިޔަލަށް ރާއްޖޭގެ ކޮންމެ އަތޮޅެއްގައި ފިއުލް ސްޓޯރޭޖް ގާއިމުކޮށް، "އެސްޓީއޯ ރޭޓް" ގައި ތެޔޮ ލިބޭނެ އިންތިޒާމު ހަމަޖެއްސުމަށް މަސައްކަތް ކުރަމުން އަންނަ ކަމަށެވެ.

މަސްވެރިންނަށް ހުރިހާ އަތޮޅަކުން ވެސް އެސްޓީއޯ ރޭޓުގައި ތެޔޮ ގަންނަން ލިބޭ ގޮތް ހެދުމަކީ ރައީސްގެ ވައުދުފުޅެކެވެ. މިހާރު މަސްވެރިންނަށް އެ ރޭޓުގައި ތެޔޮ ލިބެނީ ހުޅުމާލޭގައި ހުންނަ އެފްއެސްއެމްގެ ޝެޑުން އެކަންޏެވެ. އެ ތަނުން އެ ރޭޓުގައި ދޫކުރަން ފެށީ ޖޫން މަހެވެ.

އެސްޓީއޯއިން ވަނީ ފިއުލް ސްޓޯރޭޖް ގާއިމުކުރާނެ ރަށްތަކެއް ކަނޑައަޅާފައެވެ. އެ ރަށްތަކަކީ: