އެފްއެސްއެމްގެ އެމްޑީ ކަމަށް އާޝާން

ހަސަން ހަލީމް

15 ޑިސެމްބަރ 2024 - 16:09

0 comments

ފާތިމަތު އާޝާންވަނީ އެފްއެސްއެމްގެ އެމްޑީ ކަމަށް އައްޔަނުކޮށްފައި -- ފޮޓޯ/ އެސްޓީއޯ

ފިއުލް ސަޕްލައި މޯލްޑިވްސް (އެފްއެސްއެމް)ގެ މެނޭޖިން ޑިރެކްޓަރުގެ މަގާމަށް ފާތިމަތު އާޝާން މިއަދު އައްޔަންކޮށްފި އެވެ.

އެފްއެސްއެމްގެ އެމްޑީގެ މަގާމަށް އާޝާން އައްޔަންކޮށްފައިވަނީ މިއަދު އެވެ. މިއާއެކު އާޝާން ވެގެން ގޮސްފައިވަނީ އެސްޓީއޯ ގްރޫޕްގެ ފުރަތަމަ އަންހެން މެނޭޖިން ޑިރެކްޓަރަށެވެ.

އެސްޓީއޯގައި ގިނަ ދުވަސްތަކެއް ވަންދެން މަސައްކަތް ކުރައްވާފައިވާ އާޝާން މީގެކުރިން ވަނީ މިފްކޯގެ ޑެޕިއުޓީ ސީއީއޯގެ މަގާމު ވެސް ފުރުއްވާފަ އެވެ.

އެފްއެސްއެމަކީ އެސްޓީއޯގެ ސަބްސިޑަރީ ކުންފުންޏެކެވެ. އަދި އެކުންފުންޏަކީ އެސްޓީއޯއަށް އެންމެ ބޮޑު އާމްދަނީއެއް ލިބޭ ކުންފުންޏެވެ.

އެފްއެސްއެމްގެ އެމްޑީގެ މަގާމަށް އާޝާން އައްޔަންކޮށްފައި ވަނީ އެ މަގާމުގައި ހުންނެވި އިސްމާއީލް ސުހައިލް، މިދިޔަ ނޮވެންބަރު 26ގައި އިސްތިއުފާ ދެއްވުމާ ގުޅިގެންނެވެ.