ރާއްޖޭން ބޭރުކުރަން އުޅުނު 582 ކިލޯގެ މިޔަރާއި މަޑިމަސް ނައްތާލައިފި

ހަސަން ހަލީމް

25 ޑިސެމްބަރ 2024 - 13:58

0 comments

ރާއްޖެ އެތެރެކުރަން އުޅުނު މިޔަރު އަދި މަޑިމަސްތައް - ފޮޓޯ/ ކަސްޓަމްސް

ރާއްޖޭން ބޭރުކުރަން އުޅުނު 582 ކިލޯގެ މިޔަރާއި މަޑިމަސް ކަސްޓަމްސް އިން ނައްތާލައިފި އެވެ.

ކަސްޓަމްސް އިން މި ތަކެތި ނައްތާލީ ކ. ތިލަފުށި ކުނި ނައްތާލާ ސަރަހައްދުގަ އެވެ.

ކަސްޓަމްސްއިން މިއަދު ނެރުނު ބަޔާނެއްގައި ބުނި ގޮތުގައި، އެއީ ރާއްޖޭން ބޭރު ކުރުން މަނާ ތަކެތި ހުރި ކޮންޓެއިނާއެއް ބޭރުކުރަން އުޅުނު ކަމަށް ކަސްޓަމްސްއަށް ލިބުނު މައުލޫމާތަކާ ގުޅިގެން އެ ކޮންޓެއިނާ ބަލައި ފާސްކުރުމުން ފެނުނު ތަކެއްޗެވެ.

ރާއްޖޭގައި މިޔަރު އަދި މަޑިމަސް ހިފުމަކީ މަނާ ކަމެކެވެ. ނަމަވެސް ބައެއް ފަރާތްތަކުން ގަވާއިދާއި ހިލާފަށް މިޔަރު ހިފައި އޭގެ އުރަހަ ވިޔަފާރީގެ ގޮތުގައި ބޭނުންކުރަމުންދާ މައްސަލަ ދޭތެރެ ދޭތެރެއިން ފެންމަތިވަމުންދެ އެވެ.