ފޭރެން އުޅުނު މީހާ ކުށަށް އިއުތިރާފުވެ ބަދަލުދޭން ހުށަހަޅައިފި

މަރިޔަމް އަނާ

29 ޑިސެމްބަރ 2024 - 12:48

0 comments

ޑިސެމްބަރު 19، ގައި މާލޭ އަލިކިލެގެފާނު މަގުން ސައިކަލެއްގައި ދުއްވާފައި ދިޔަ އަންހެނެއްގެ ކަރުގައި އޮތް ރަން ފަށެއް ފޭރުނު މީހާ ކުށަށް އިއުތިރާފުވެ، ބަދަލު ދޭން އެއްބަސްވެއްޖެ އެވެ.

މި މަހުގެ 19 ވަނަ ދުވަހު ހިނގި މި ހާދިސާއާ ގުޅިގެން ހައްޔަރުކުރީ ވިލިމާލޭ، ފިޔަބަރި، ހަސަން އިސާމް، 30، އެވެ.

އޭނާގެ ބަންދުގެ މުއްދަތު ހަމަވާތީ ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން ވަނީ ބަންދަށް 15 ދުވަސް ދީފަ އެވެ.

"ކުށަށް އިއުތިރާފުވާ ކަމަށް މީނާ ބުނޭ. ރަން ފަށް ފޭރުނު ކަމަށް ބުނި ނަމަވެސް، މީނާ އަތުގައި އެ ފަށް ނެތް ކަމަށާއި މީނާ މި މައްސަލައިގައި އައިއޯއަށް ފުރިހަމަ އެއްބާރުލުން ދޭނެ ކަމަށް ބުނެފައިވޭ. އަދި ގެއްލުން ލިބުނު ފަރާތްތަށް ބަދަލު ދޭން ތައްޔާރަށް ހުރި ކަމަށް މީނާގެ ފަރާތުން ބުނޭ،" ކޯޓު އަމުރުގައި ބުނެފައިވެ އެވެ.

މައްސަލައާ ގުޅިގެން އޭނާގެ ބަންދުގެ މުއްދަތަށް އިތުރު 15 ދުވަސް ވަނީ އިއްޔެ ކްރިމިނަލް ކޯޓުން ޖަހައިދީފަ އެވެ.

ކޯޓު އަމުރުން އެނގޭ ގޮތުގައި މައްސަލައިގައި ހައްޔަރު ކުރި މީހާގެ ގިނަ އަދަދެއްގެ ކުށުގެ ރެކޯޑު އޮވެ އެވެ. އަދި އޭނާ ހައްޔަރުކުރީ އިޖުރާއަތްތަކާ އެއްގޮތަށް ކަމަށް ވެސް ވަނީ ކަނޑައަޅާފަ އެވެ.