މިއަދަކީ އުރީދޫ ސައިކަލު ލިބޭ ޕްރޮމޯޝަންގެ ފަހު ދުވަސް

ހަސަން ހަލީމް

31 ޑިސެމްބަރ 2024 - 12:46

0 comments

އުރީދޫ ސައިކަލު ލިބޭ ޕްރޮމޯޝަންގެ ދަށުން ނަސީބުވެރިޔަކާ ސައިކަލު ހަވާލު ކުރަނީ:

މިއަދަކީ އުރީދޫ މޯލްޑިވްސް އިން ކުރިއަށް ގެންދާ ކޮންމެ ތިން ދުވަހަކުން ސައިކަލެއް ލިބޭ ޕްރޮމޯޝަން ފަހު ދުވަސް ކަމަށް އެ ކުންފުނިން ބުނެފި އެވެ. މި ޕްރޮމޯޝަން މިރޭ 12:00 ޖަހާއިރު ހަމަވާނެ އެވެ.

މިދިޔަ ސެޕްޓެމްބަރު 23، ގައި އުރީދޫއިން ފެށި ޕްރޮމޯޝަންގެ ދަށުން ކޮންމެ ތިން ދުވަހަކުން އެއް ސައިކަލު ދެމުން އަންނައިރު، މި ޕްރޮމޯޝަން ނިމޭއިރު 30 ސައިކަލު ނަސީބުވެރި ފަރާތްތަކަށް ލިބޭނެއެވެ.

މި ޕްރޮމޯޝަން ކުރިއަށް ދަނީ މާދަމާގެ ނިޔަލަށެވެ. ނަމަވެސް ކަސްޓަމަރުންނަށް އަދިވެސް އިނާމުތައް ހޯދުމުގެ ފުރުސަތު އޮތްކަން އުރީދޫއިން ވަނީ ފާހަގަކޮށްފައެވެ. އެއީ މިމަހުގެ އެންމެ އަގުހުރި އިނާމު ކަމަށްވާ ޕީސީއެކްސް 160 އާއި މުޅި ޕްރޮމޯޝަންގެ ގްރޭންޑް ޕްރައިޒް ކަމަށްވާ، 2024 ރެބެލް 300، ކަޅު ކުލައިގެ ސައިކަލެވެ.

އުރީދޫއިން ބުނީ ރާއްޖޭގެ އެކި ކަންކޮޅުތަކުގައި ދިރިއުޅޭ އުރީދޫގެ ހުރިހާ ކަސްޓަމަރުންގެ އިތުރުން އަލަށް އުރީދޫއާ ގުޅޭ ކަސްޓަމަރުންނަށް ވެސް މި ޕްރޮމޯޝަނުގައި ބައިވެރިވެވޭނެ ކަމަށެވެ. ޕްރޮމޯޝަނުގައި ބައިވެރިވުމަށް:

އުރީދޫ ކަސްޓަމަރެއްނަމަ ފާއިތުވި 30 ދުވަހުގެ ތެރޭގައި 250 ރުފިޔާއަށް ވުރެ މަތިން ބިލް ދައްކާ، ރީޗާޖުކޮށް ނުވަތަ އެޑް އޮން އެއް ބޭނުންކުރުން.
އުރީދޫއާ އަލަށް ގުޅޭ ކަސްޓަމަރުން ޚިދުމަތް ބޭނުންކުރުމަށް 400 ރުފިޔާއިން މަތިން ބިލް ދައްކާ، ރީޗާޖުކޮށް ނުވަތަ އެޑް އޮން އެއް ބޭނުންކުރުން.
އުރީދޫގެ އެކްޓިވް ކަސްޓަމަރަކަށްވުން.

މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގައި އެންމެ ވަރުގަދަ އަދި އެންމެ ބޮޑު 5ޖީ ނެޓްވޯކް ތައާރަފްކުރުމުގެ މުނާސަބަތުގައި ކުރިއަށް ގެންދާ ޕްރޮމޯޝަނެކެވެ.

މީގެ އިތުރުން މި ޕްރޮމޯޝަން އަކީ އުރީދޫ ކަސްޓަމަރުންގެ އިތުބާރާއި އެއްބާރުލުން ފާހަގަކޮށް ކަސްޓަމަރުންގެ ވަޒަން ކުރުމުގެ ގޮތުން ކުރިއަށް ގެންދާ ޕްރޮމޯޝަނެއް ކަމަށް އެ ކުންފުނިން ބުނެފައިވެ އެވެ.

އުރީދޫއިން ބުނީ މި ޕްރޮމޯޝަންގެ ނަސީބުވެރި ފަރާތްތަކުގެ މައުލޫމާތު އުރީދޫ މޯލްޑިވްސްގެ ރަސްމީ ސޯޝަލް މީޑިއާ ޗެނަލްތަކުން އިއުލާނު ކުރަމުންދާނެ ކަމަށެވެ.