ފައިނު ޒުވާނަކަށް މާވަހަރެއް ކަމަށް ބެލެވޭ އެއްޗެއް ފެނިއްޖެ

އައިމިނަތު ޝިޔާޒާ

29 ޑިސެމްބަރ 2024 - 14:42

0 comments

ރ. ފައިނުގައި އަކިރި ނަގަން ގޮސް އުޅުނު ޒުވާނަކަށް މާވަހަރެއް ކަމަށް ބެލެވޭ އެއްޗެއް ފެނިއްޖެ އެވެ.

އެ ހޮވި 24 އަހަރުގެ ފިރިހެން މީހާ ބުނީ މާވަހަރު ފެނުނީ މިދިޔަ ހުކުރު ދުވަހުގެ ހެނދުނު ގޮނޑުދޮށަށް ލައްގާފައި އޮއްވައި ކަމަށެވެ.

އޭރު އޭނާ އުޅުނީ މަސައްކަތެއް ކުރަން ބޭނުންވާ އަކިރި ހޯދާށެވެ.

އޭނާ ހޮވި އެއްޗަކީ މާވަހަރެއްތޯ ބެލުމަށް އެ އެއްޗެއް މިހާރު ވަނީ މާލެ ގެނެސްފަ އެވެ. ނަމަވެސް މާލޭގައިވެސް ސީދާ އެފަދަ ޓެސްޓް ހެދެން ނެތުމުން އެފަދަ ތަކެތި ޔަގީންކޮށްދޭ މީހަކަށް ދެއްކުމުން އެއީ މާވަހަރު ކަމަށް ބުނާ ކަމަށްވެ އެވެ.

މަވާހަރު ކަމަށް ބުނާ އެއްޗެއް ހޮވި ޒުވާނާ މިހާރު ގެންދަނީ އޭގެ ސާމްޕަލް ބޭރަށް ފޮނުވައިގެން ނަމަވެސް އެއީ މާވަހަރެއްތޯ ޔަގީންކުރުމުގެ މަސައްކަތް ކުރަމުންނެވެ.