ފައިނުން ފައިލޭރިއާއަށް ތިން މީހަކު ޕޮސިޓިވް ވެއްޖެ

އައިމިނަތު ޝިޔާޒާ

19 ފެބުރުއަރީ 2024 - 15:45

0 comments

ރ. ފައިނުން ފައިލޭރިއާއަށް ތިން މީހަކު ޕޮސިޓިވް ވެއްޖެއެވެ.

ފައިނު ކައުންސިލުން މިއަދު ނެރުނު ނޯޓިސް އެއްގައި ބުނީ އެ ރަށުގައި އުޅޭ ބިދޭސީން ފައިލޭރިއާއަށް ސްކްރީން ކުރިއިރު، އެ ބައްޔަށް ފައްސިވެފައިވާ ތިން މީހަކު ފެނިފައިވާ ކަމަށެވެ. އަދި މިކަމާ ގުޅިގެން އަޅަން ޖެހޭ ފިޔަވަޅުތައް އެ ރަށު ކައުންސިލާއި ސިއްހީ މަރުކަޒު ގުޅިގެން ކުރަމުން އަންނަ ކަމަށް ބުނެފައިވެއެވެ.

ފައިނުން ފައިލޭރިއާ އަށް ފައްސިވެފައިވަނީ ތިން މީހުންނެވެ.

މީގެ ދެ މަހެއްހާ ދުވަސް ކުރިން ފައިލޭރިއާގެ 25 ކޭހެއް ހދ. ކުޅުދުއްފުށިންވެސް ވަނީ ފެނިފައެވެ. އޭގެ ފަހުން ހުޅުމާލެއިން ވެސް ބިދޭސީންތަކެއް ވަނީ މި ބައްޔަށް ޕޮސިޓިވް ވެފައެވެ. އަދި މި ބައްޔަށް ޓެސްޓް ކުރުމުގެ ބޮޑު ހަރަކާތެއް މިހާރު ވަނީ ފަށައިފައެވެ.

ފައިލޭރިއާ ނުވަތަ ދިވެހިން ކިޔާނަމަ ފައިފަލަ ބައްޔަކީ މީގެ ކުރިން ރާއްޖެއިން ނައްތައިލެވިފައިވާ ބައްޔެކެވެ.

މި ބަލި ފަތުރާ ކިއުލެކްސް މަދިރި އަކީ ޑެންގޫއާއި ޗިކުންގުންޔާ ފަތުރާ މަދިރިއަށް ވުރެ ތަފާތު މަދިރިއެކެވެ. އެހެންކަމުން ބަލިން ރައްކާތެރިވުމަށް އެންމެ މުހިންމު އެއް ކަަމަކީ މަދިރިން ރައްކާތެރިވުމެވެ.