ބުރޫނާއީން ސިއްހީ އެހީތެރިކަން ހޯދަން މަޝްވަރާކޮށްފި

އިސްމާއިލް ރިޒާ

06 މެއި 2025 - 14:47

0 comments

ރާއްޖެ އާއި ބްރޫނާއީއާ ދެމެދު ސިއްހީ ދާއިރާގެ އެއްބާރުލުން އިތުރުކުރުމާ ގުޅޭގޮތުން މަޝަވަރާކޮށްފި އެވެ.

މަޝްވަރާތައް ކުރިއަށް ދިޔައީ މިހާރު ރާއްޖެ ވަޑައިގެން އުޅުއްވާ ބުރޫނާއީގެ ސިއްހީ ދާއިރާގެ ފަންނީ ބޭފުޅުންގެ ވަފްދާއެކު އެވެ.

މި ވަފްދުގައި ބްރޫނާއީގެ ޕްރައިމަރީ ހެލްތުކެއާގެ ޗީފް ކްލިނިކަލް ސްޕެޝަލިޓީ ސާވިސްގެ ތަޖުރިބާކާރުން ހިމެނެ އެވެ.

ބައްދަލުވުމުގައި މަޝްވަރާކުރެވުނު ކަންކަމުގެ ތެރޭގައި:

* ޕްރައިމަރީ ހެލްތުކެއާ ގެ ޚިދުމަތް ހަރުދަނާ ކުރުން، ޚާއްޞަކޮށް އާބަން ޕްރައިމަރީ ހެލްތުކެއާ
* ހަކުރުބަލި މެނޭޖްކުރުމާއި ނަފްސާނީ ކަންކަމަށް ޚާއްޞަކޮށް ނަރުހުން ތަމްރީން ކުރުން
* ކެންސަރަށް ފަރުވާ ދިނުމުގެ ހިދުމަތްތައް ތަރައްގީ ކުރުމުގައި އެހީތެރިކަމާއި އެއްބާރުލުން ހޯދުން
* މެޑިސިން ކިޔަވާ ދިވެހި ދަރިވަރުންނަށް ބްރޫނާއީގައި އިންޓާންޝިޕް ހެދުމުގެ ފުރުސަތު ހޯދުން
* ޕަބްލިކް ހެލްތާއި ގުޅުންހުރި މޯބައިލް އެޕްލިކޭޝަން ތައްޔާރު ކުރުމަށް، އެކަމުގެ ޢިލްމާއި ތަޖުރިބާ ހއިްސާކުރުން
* ޓޮބޭކޯ ސެޒޭޝަން ކްލިނިކް ހިންގުމުގެ ސްޓްރެޓެޖީތަކާއި އެންމެ ރަނގަޅު އުސޫލުތައް ހިއްސާކުރުން

ރާއްޖެ ވަޑައިގެން އުޅުއްވާ ބުރޫނާއީގެ ސިއްހީ ދާއިރާގެ ބޭފުޅުން ވަނީ މާލެ ސަރަހައްދުގައި ހުންނަ ސިއްހީ ހިދުމަތް ދޭ ތަންތަނަށް ޒިޔާރަތްކޮށް ހާލަތު ބައްލަވާލައްވާފަ އެވެ.