ގޯލްޑަން ފުޓްސަލް ޗެލެންޖުގެ ޕްލެޓިނަމް ޕާޓްނަރަކަށް އުރީދޫ

ހަސަން ހަލީމް

05 ޖެނުއަރީ 2025 - 10:50

0 comments

ރޭ ފެށި ގޯލްޑަން ފުޓްސަލް ޗެލެންޖުގެ ޕްލެޓިނަމް ޕާޓްނަރުގެ ގޮތުގައި އުރީދޫން ސޮއިކޮށްފި އެވެ.

މި އަހަރުގެ ގޯލްޑަން ފުޓްސަލް ޗެލެންޖުގައި ރާއްޖޭގެ އެކި ހިސާބުތަކުން 130 ޓީމެއް ބައިވެރިވާއިރު ޖުމުލަ 320 މެޗު ކުޅެން ވަނީ ހަމަޖެހިފައެވެ.

ރޭ ފެށި މި މުބާރާތް އޮންނާނީ އަންނަ މަހުގެ 25 ވަނަ ދުވަހުގެ ނިޔަލަށެވެ. ގޯލްޑަން ފުޓްސަލް ޗެލެންޖުގެ މެޗުތައް ކުޅޭނީ ހުޅުމާލެ ޓާފް ސްޓޭޑިއަމްގަ އެވެ.

އުރީދޫން މީގެކުރިން ވެސް ވަނީ މި މުބާރާތުގެ ޕްލެޓިނަމް ޕާޓްނަރުގެ ގޮތުގައި ބައިވެރިވެފަ އެވެ. މިއީ އެ މުބާރާތުގެ ޕްލެޓިނަމް ޕާޓްނަރުގެ ގޮތުގައި އުރީދޫން ބައިވެރިވާ ތިން ވަނަ އަހަރެވެ.

އުރީދޫން ބުނީ، މި އަހަރު ވެސް ގޯލްޑަންގެ މެޗުތައް ބަލަންދާ ސަޕޯޓަރުންނާއި ޓީމުތަކަށް ޚާއްސަ ހަރަކާތްތަކެއް ރާވާފައިވާ ކަމަށެވެ.

ގޯލްޑަން ފުޓްސަލް ޗެލެންޖަކީ 2015 ވަނަ އަހަރުން ފެށިގެން ކޮންމެ އަހަރު ވެސް ބާއްވަމުން އަންނަ ވަރަށް ފޯރިގަދަ ފުޓްސަލް މުބާރާތެކެވެ.