ޓޫރިސްޓް ވިސާއާ ހިލާފުވި ދެ މީހަކު ޑީޕޯޓްކުރަނީ

އިސްމާއިލް ރިޒާ

06 ޖެނުއަރީ 2025 - 18:57

0 comments

ޓޫރިސްޓު ވިސާއާ ހިލާފުވެގެން ހިފަހައްޓާފައިވާ ދެ މީހުން.

ޓޫރިސްޓު ވިސާގައި ރާއްޖެ އައިސް ވިޔަފާރިކުރުމުގައި އުޅުނު ސީރިއާ މީހަކާއި ޖޯޑަން މީހަކު ޑީޕޯޓްކުރަން ނިންމައިފި އެވެ.

މޯލްޑިވްސް އިމިގްރޭޝަންގެ ބެލުމުގެ ދަށަށް ގެންދިޔައީ ޖޯޑަންގެ 24 އަހަރުގެ ފިރިހެނަކާއި، ސީރިއާއަށް ނިސްބަތްވާ 19 އަހަރުގެ އަންހެނެކެވެ.

މި ދެ ބިދޭސީން އަތުލައިގަތީ ޓޫރިސްޓު ވިސާގައި ރާއްޖެ އައިސް ގަވާއިދާ ހިލާފަށް ވިިޔަފާރި ކުރަމުންދާ ކަމަށް ލިބުނު މައުލޫމާތަކާ ގުޅިގެންނެވެ.

އިމިގްރޭޝަނުން ކުރިން ވެސް ބުނެފައި ވަނީ ވިސާއާ ހިލާފުވާ ނަމަ ހަރުކަށި ފިޔަވަޅު އަޅާނެ ކަމަށެވެ.

ރާއްޖޭގައި ގަވާއިދާ ހިލާފަށް އުޅޭ ބިދޭސީން ހުއްޓުވުމަށް އިމިގްރޭޝަނުން އަންނަނީ ގިނަ މަސައްކަތްތަކެއް ކުރަމުންނެވެ. އިމިގްރޭޝަންގެ އޮޕަރޭޝަންތަކުގައި ގިނަ އަދަދެއްގެ ބިދޭސީން ހިފަހައްޓައި، 5،000 އަށް ވުރެ ގިނަ މީހުން ޑީޕޯޓްކޮށްފައިވެ އެވެ