ޖެނުއަރީ 2 ބަންދަސް ޕާސްޕޯޓްގެ ހިދުމަތް ދޭނެ

އިސްމާއިލް ރިޒާ

31 ޑިސެމްބަރ 2024 - 12:26

0 comments

ސަރުކާރު ބަންދުވި ނަމަވެސް، އަންނަ ބުރާސްފަތި ދުވަހު ޕާސްޕޯޓުގެ ޚިދުމަތް ލިބޭނެކަމަށް މޯލްޑިވްސް އިމިގްރޭޝަނުން ވިދާޅުވެއްޖެ އެވެ.

މާދަމާއަކީ އައު އަހަރު ފެށޭ ދުވަސްކަމުގައިވުމުން އެ ދުވަހަކީ ސަރުކާރު ބަންދު ދުވަހެކެވެ. އަދި އެ ދުވަހާ ޖެހިގެން އަންނަ ބުރާސްފަތި ދުވަހަކީވެސް ސަރުކާރު ބަންދު ދުވަހެއްގެ ގޮތުގައި ސަރުކާރުން ވަނީ ކަނޑައަޅުއްވާފައެވެ.

އިމިގްރޭޝަނުން މިއަދު ބުނީ "އިމުގާ" މެދުވެރިކޮށް 24 ގަޑިއިރު ޕާސްޕޯޓަށް އެދި ހުށަހެޅޭނެ ކަަމަށާއި އިމިގްރޭޝަނަށް ހާޒިރުވެގެންނާއި އޮންލައިންކޮށް، އުމުރުން 65 އަހަރުން މަތީގެ މީހުންނާއި އިމަަޖެންސީ ހާލަތްތަކުގެ ޕާސްޕޯޓަށް ހިދުމަތް ދޭނީ ޖެނުއަރީ 2 ވަނަ ދުވަހުގެ ހެނދުނު 8:30 އިން 2:00 އަށެވެ.

ޢާއްމުގޮތެއްގައި ބަންދު ދުވަސްތަކާއި ދިމާކޮށްވެސް އިމިގްރޭޝަނުން ޕާސްޕޯޓުގެ ޚިދުމަތް ރައްޔިތުންނަށް މެދު ކެނޑުމެއްނެތި ފޯރުކޮށްދެއެވެ.