އާ ލީޑަރަކަށް ފުރުސަތު ދިނުމަށް ލިބަރަލް ޕާޓީގެ ލީޑަރުކަމުން ޓްރޫޑޯއިސްތިއުފާ ދެއްވައިފި

އާ ލީޑަރަކަށް ފުރުސަތު ދިނުމަށް ލިބަރަލް ޕާޓީގެ ލީޑަރުކަމުން ޓްރޫޑޯ އިސްތިއުފާ ދެއްވައިފި

ހަސަން ހަލީމް

07 ޖެނުއަރީ 2025 - 11:37

0 comments

ކެނެޑާގެ ބޮޑުވަޒީރުގެ މަގާމުގައި ހުންނެވި ޖަސްޓިން ޓްރޫޑޯ، ސަރުކާރު ހިންގާ ޕާޓީ، ލިބަރަލް ޕާޓީގެ ލީޑަރުކަމުން އިސްތިއުފާ ދެއްވައި، އާ ލީޑަރަކު އައްޔަން ކުރަން އެދިވަޑައިގެންނެވި އެެވެ.

ނޫސްވެރިންނަށް މައުލޫމާތު ދެއްވަމުން ޓްރޫޑޯ ވިދާޅުވީ ޕާޓީގެ ލީޑަރުކަމަށް ބޭފުޅަކު އައްޔަނު ކުރެވެންދެން ބޮޑުވަޒީރުކަމުގައި ހުންނަވާނެ ކަމަށެވެ.

ނަމަވެސް އެ މަގާމަށް ބޭފުޅަކު އައްޔަނު ކުރުމާ އެކު ބޮޑުވަޒީރުގެ މަގާމުން ވެސް އިސްތިއުފާ ދެއްވާނެ ކަމަށް ޓްރޫޑޯ ވިދާޅުވި އެވެ.

ލިބަރަލް ޕާޓީއާ 2013 ވަނަ އަހަރު ހަވާލުވެވަޑައިގަތުމުގެ ކުރިން، މިހާރު އުމުރުން 53 އަހަރުގެ ޓްރޫޑޯ އަކީ ސިޔާސީ މައިދާނުގައި އިސްކޮށް އުޅުއްވި ބޭފުޅެއް ނޫނެވެ. އޭރު ސިޔާސީ ގޮތުން އޭނާއާ އޮތް ގުޅުމެއްގެ ގޮތުގައި އޮތީ ބައްޕާފުޅު ޕިއޭ އެލިއަޓް ޓްރޫޑޯ އަކީ ކެނެޑާގެ އެންމެ މަޝްހޫރު އެއް ބޮޑުވަޒީރަށް ވުމެވެ.

ރިޕޯޓްތައް ބުނާ ގޮތުން ޓްރޫޑޯ ވަނީ އިސްތިއުފާ ދެއްވުމާ ބެހޭ ގޮތުން ކެބިނެޓް ވަޒީރުންނާ މަޝްވަރާ ކުރައްވާފަ އެވެ. އަދި ބޮޑުވަޒީރުކަން ވަގުތީ ގޮތުން ހަވާލުކުރާނެ ވަޒީރަކާ މެދުވެސް މަޝްވަރާކުރެވުނެވެ.

ކެނެޑާގެ ސިޔާސީ މަޝްރަހުގައި ކުނިޖެހިގެން އުޅޭތާ ދުވަސްތަކެއް ވެއްޖެ އެވެ. ޓްރޫޑޯގެ އަމިއްލަ ޒާތީ މަސްލަހަތާ ހެެދި ސަރުކާރު ހިންގުމުގައި ދަތިތަކެއް ހުރި ކަމަށް ހަބަރުތައް ބުނެ އެވެ.