އަލުން އައްޔަނުކުރި 4 ވަޒީރުންނަށް މަޖިލީހުގެ ކޮމިޓީން ރުހުން ދީފި

މަރިޔަމް އަނާ

19 ޖެނުއަރީ 2025 - 22:54

0 comments

މިދިޔަ ޑިސެންބަރުގައި ރައީސް ޑރ. މުހައްމަދު މުއިއްޒު، ކެބިނެޓަށް ގެންނެވި ބަދަލުތަކާއެކު އަލުން އައްޔަންކުރެއްވި ހަތަރު މިނިސްޓަރުންނަށް ރުހުން ދިނުމަށް ރައްޔިތުންގެ މަޖިލީހުގެ ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމިޓީން މިއަދު ފާސްކޮށްފި އެވެ.

އެ ހަތަރު މިނިސްޓަރުންނަކީ:

ޕްލޭނިން އެންޑް ފިނޭންސް މިނިސްޓަރު މޫސާ ޒަމީރު
ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗަ މިނިސްޓަރު ޑރ. އަބްދުﷲ މުއްތަލިބު
ހަޔަރ އެޑިޔުކޭޝަން، ލޭބަރ އެންޑް ސްކިލްސް މިނިސްޓަރު ޑރ. އަލީ ހައިދަރު އަހްމަދު
އެގްރިކަލްޗާ އެންޑް އެނިމަލް ވެލްފެއާ މިނިސްޓަރު ޑރ. މަރިޔަމް މާރިޔާ

އެ މައްސަލަ ދިރާސާކުރުމަށް ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީ އަށް ފޮނުވީ މިދިޔަ ބުރާސްފަތި ދުވަހު ދައުރުން ބޭރުގައި ބޭއްވި ޖަލްސާގަ އެވެ. އެ ކޮމިޓީން މިއަދު ބޭއްވި ބައްދަލުވުމުގައި ހަތަރު ވަޒީރުންނަށް ވެސް ރުހުން ދޭން ފެންނަ ކަމަށް ފާސްކޮށްފަ އެވެ.

ކެބިނެޓް ރައީސް ބަދަލުތަކެއް އެންމެ ފަހުން ގެންނެވީ މިދިޔަ މަހުގެ 26 ގަ އެވެ.