ޒިންމާތައް ބަދަލުކުރި ވަޒީރުންނަށް ރުހުން ދީފި

އިސްމާއިލް ރިޒާ

20 ޖެނުއަރީ 2025 - 11:15

0 comments

ކެބިނެޓަށް ގެނައި ބަދަލުތަކާ އެކު މަގާމްތަކަށް އަލަށް އައްޔަންކުރެއްވި ހަތަރު މިނިސްޓަރުންނަށް ރައްޔިތުންގެ މަޖިލީހުން މިއަދު ރުހުން ދީފި އެވެ.

މިދިޔަ މަހު 26ގައި ހައުސިން މިނިސްޓްރީ އުވާލައި އެ މިނިސްޓްރީގެ ދަށުން ހިންގަމުންދިޔަ ހައުސިންއާ ގުޅުންހުރި ކަންތައްތައް ކޮންސްޓްރަކްޝަން މިނިސްޓްރީއަށް، ރައީސް މުހައްމަދު މުއިއްޒު ވަނީ ބަދަލުކުރައްވާފަ އެވެ.

ހައުސިން މިނިސްޓަރަކަށް ހުންނެވި ޑރ. އަލީ ހައިދަރު އަހުމަދާ ހަވާލު ކުރެއްވީ ހަޔާ އެޑިއުކޭޝަން މިނިސްޓްރީ އެވެ. އެ މިނިސްޓްރީ ހިންގެވި ޑރ. މަރިޔަމް މާރިޔާ ބަދަލުކުރެއްވީ އެގްރިލަކްޗާ އެންޑް އެނިމަލް ވެލްފެއާ މިނިސްޓްރީއަށެވެ.

މި ހަތަރު މިނިސްޓަރުންނަށް ވަކިވަކިން އެހި ވޯޓުގައި ހައިދަރު ފިޔަވައި ދެން ތިއްބެވި ވަޒީރުންނަށް ރުހުން ލިބުނީ ވޯޓުގައި ބައިވެރިވި ހުރިހާ މެންބަރުންގެ އިއްތިފާގުންނެވެ. ހައިދަރު އައްޔަން ކުރަން ނުފެންނަ ކަމަށް އެމްޑީޕީގެ ހަ މެންބަރަކު ވޯޓު ދެއްވި އެވެ.

މިއީ ރައީސް މުއިއްޒުގެ ކެބިނެޓަށް ބަދަލު ގެންނެވި ދެވަނަ ފަހަރެވެ.