ރައުންޑްއެބައުޓްތަކުގައި ބަގީޗާހައްދަން އެޗްޑީސީ އިން ނިންމައިފި

މަރިޔަމް އަނާ

14 ފެބުރުއަރީ 2025 - 18:49

0 comments

ހުޅުމާލޭގެ މަގުތަކުގެ ހެދި ރައުންޑްއެބައުޓްތަކުގައި މޮނިއުމެންޓް ބެހެއްޓުމުގައި ބަދަލުގައ ބަގީޗާ ގަސް ހައްދަން ހައުސިން ޑިވަލޮޕްމެންޓް ކޯޕަރޭޝަން (އެޗްޑީސީ) ނިންމައިފި އެވެ.

އެޗްޑީސީގެ ސީއޯއޯ އަހުމަދު އިބްރާހިމް "އެކްސް"ގައި ކުރެއްވި ޕޯސްޓެއްގައި ވިދާޅުވީ، އާންމުންގެ ނުރުހުމާ އެކު، ހުޅުމާލޭގެ ރައުންޑްއެބައުޓްތަކުގައި ކޮންކްރީޓް ބިނާތައް އެޅުމުގެ ޕްލޭން އެ ކުންފުނިން އަލުން މުރާޖައާ ކޮށްފައިވާ ކަމަށެވެ.

އިއްޔެ އެ ކުންފުނިން 'ޕައިލެޓް ރައުންޑްއަބައުޓް އައިލެންޑް' ޕްރޮޖެކްޓްގެ ގްރީންސްކޭޕިން ނިންމާލާފައިވާ ކަމަށް އޭނާ ވިދާޅުވިއެވެ. އަދި، ރައުންޑްއެބައުޓްތަކުގައި އިންދާފައިވާ ބަގީޗާ ގަސްތައް ހެދި ބޮޑުވެ، މާތައް އަޅައި ފޮޅެން ފެށުމުން އިތުރަށް ހިތްގައިމުވާނެ ކަމަށް އޭނާ އެ ޕޯސްޓުގައި ލިޔުއްވިއެވެ.

ހުޅުމާލޭގެ ރައުންޑްއެބައުޓްތަކުގައި، ދީނާއި ރާއްޖޭގެ ސަގާފަތާއި މަސައްކަތްތެރިކަން ދައްކުވައިދޭ މޮނިއުމެންޓްތައް ބަހައްޓަން ނިންމައި އެ މޮނިއުމަންޓް ޑިޒައިން ކުރަން އެޗްޑީސީން ހުޅުވައިލީ މިދިޔަ އަހަރުފގެ ސެޕްޓެމްބަރު މަހުގެ ތެރޭގަ އެވެ. އެގޮތުބް 17 މޮނިއުމެންޓެއް ހުޅުވާލައި ޑިޒައިންތަކެއް ހުށަހެޅި ފަރާތެއް އެޗްޑީސީން ހޮވައި އެކަން ނޮވެންބަރު މަހުގެ ތެރޭގައި އިއުލާން ވެސް ކުރި އެވެ.

ނަމަވެސް ހޮވި ޑިޒައިންތަކީ އާޓިފިޝަލް އިންޓަލިޖެންސް (އޭއައި) ބޭނުންކޮށްގެން ހަދާފައުވާ ޑިޒައިންތަކަމަށް ބުނެ ޝަކުވާތަކެއް ލިބުމުން އެކަން ރިވިއު ކުރަން އެޗްޑީސީން ނިންމި އެވެ.