ޕޮލްކޯ އަށް އަނެއްކާވެސް އޭސީސީން ވަދެ ލިޔެކިޔުންތައް ގެންދަނީ!

އައިމިނަތު ޝިޔާޒާ

19 ފެބުރުއަރީ 2025 - 21:02

0 comments

ހުޅުމާލޭގެ ފުރަތަމަ ފިޔަވަހީގައި ފުލުހުންނަށް ހާއްސަކޮށްގެން ހަދާފައިވާ ހައުސިން ޔުނިޓްތައް -- ބްލޫސް ހައުސިން ޕްރޮޖެކްޓް މަޝްރޫއު ކުރިއަށް ގެންދިއުމުގައި ކޮރަޕްޝަން އަމަލުތަކެއް ހިންގާފައިވާ ކަމަށް ތުހުމަތުކުރެވޭތީ އެންޓި ކޮރަޕްޝަން ކޮމިޝަން (އޭސީސީ)ގެ ތަހުގީގު ޓީމެއް ފުލުހުންގެ ޕޮލްކޯ އޮފީހަށް އަނެއްކާވެސް ވަދެއްޖެ އެވެ.

މައުލޫމާތު އެނގޭ ކަމާ ގުޅޭ އިސް އޮފިޝަލަކު ވިދާޅުވީ، އިސްކަންދަރު ކޮށީގައި ހުންނަ ޕޮލްކޯގެ އޮފީހަށް އޭސީސީގެ ޓީމުން މިއަދު މެންދުރުފަހު ވަދެ، އެ ކޮމިޝަންގެ ތަހުގީގަށް ބޭނުންވާ ލިޔުންތައް މިހާރު ދަނީ ގެންދަމުންނެވެ.

ހުޅުމާލޭގައި ފުލުހުންނަށް ފްލެޓް އަޅަން ޕޮލްކޯއާ ހަވާލުކޮށްގެން ހިންގި 'ބުލޫސް ހައުސިން މަޝްރޫއު'ގެ ތަހުގީގަކަށް މީގެ ކުރިން ވެސް އޭސީސީއިން ވަނީ ޕޮލްކޯއަށް ވަދެފަ އެވެ.

ފްލެޓުތަކާ ގުޅޭ ކޮރަޕްޝަނުގެ މައްސަލަ ފެންމަތިވީ ފަހުން އެ ކުންފުނީގެ އިތުރު ކޮރަޕްޝަނުގެ މައްސަލަތަކެއްގެ ވާހަކަ ވެސް ވަނީ ފެތުރިފަ އެވެ.

ރައްޔިތުންގެ މަޖިލީހުގެ މަޖިލީހުން ބްލޫ ހައުސިން މަޝްރޫއުގެ ކޮރަޕްޝަން ދިރާސާ ކުރުމަށް މިދިޔަ އާދިއްތަދުވަހު ބޭއްވި ސަބް ކޮމެޓީ ބައްދަލުވުމުގައި ދިއްގަރު ދާއިރާގެ މެންބަރު އަހުމަދު ނާޒިމް ވިދާޅުވީ ޕޮލްކޯގެ ތެރޭގައި ހިންގި ހިޔާނާތުގެ އިތުރު މައްސަލަތަކެއްގެ މައުލޫމާތު ދިނީ ފުލުހުންގެ "ވިސްލްބްލޯވަރެއް"ގެ ފަރާތުން އީމެއިލް މެދުވެރިކޮށް ކަމަށެވެ.