ރޯދައިން ފެށިގެން ބީއެމްއެލް ހުރިހާ ހިދުމަތެއް ޑިޖިޓަކޮށް ލިބޭ ގޮތް ހަދަނީ

މަރިޔަމް އަނާ

23 ފެބުރުއަރީ 2025 - 13:37

0 comments

ބޭންކް އޮފް މޯލްޑިވްސް (ބީއެމްއެލް)ގެ ޑިޖިޓަލައިޒޭޝަން ޚިދުމަތްތައް އިތުރަށް ތަރައްޤީކޮށް، މި ފެށޭ ރޯދަ މަހުގެ ފުރަތަމަ ދުވަހުން ފެށިގެން ބޭންކަށް ނުގޮސް ހުރިހާ ބޭންކިން ޚިދުމަތެއް ލިބޭނެ އިންތިޒާމު ބީއެމްއެލްއިން ހަމަޖައްސައިފި އެވެ.

މިގޮތުން މިހާރެކޭ އެއްފަދައިން ކޮންމެ ދުވަހަކު 24 ގަޑިއިރު ބީއެމްއެލްގެ ޑިޖިޓަލް ޗެނަލް ތަކުން ތިރީގައިމިވާ ހިދުމަތްތައް ލިބޭނެ އެވެ.

ޑިޖިޓަލްކޮށް ލިބޭނެ ހިދުމަތްތައް

ފައިސާ ޖަމާކުރުމާއި ނެގުން
ފައިސާ ޓްރާންސްފަރ ކުރުން
ލޯނާއި، ފައިނޭންސް އަދި ކްރެޑިޓް ކާޑަށް ފައިސާ ދެއްކުން
މުދާގަތުމަށާއި ޚިދުމަތްތަކަށް ފައިސާ ދެއްކުން
ރާއްޖެއިން ބޭރަށް ފައިސާ ފޮނުވ
ލުއި ލޯނާއި ފައިނޭންސް ދޫކުރުން
ޑެބިޓް، ކްރެޑިޓް އަދި ޕްރިޕެއިޑް ކާޑަށް އެދި ހުށަހެޅުން
އޮންލައިންކޮށް ކާޑު އެކްޓިވްކުރުން، ޕިން ބަދަލުކުރުން، ފްރީޒްކުރުން އަދި ކާޑު ބްލޮކް ކުރުން
ޒަކާތް ދެއްކުން

ބޭންކް އޮފް މޯލްޑިވްސްގެ އިލްތިމާސަކީ ގޭގައި ނުވަތަ އޮފީހުގައި ތިއްބަވައިގެން ފަސޭހަކަމާއި ރައްކާތެރިކަމާއެކު ބޭންކުގެ ހިދުމަތް ހޯއްދެވުމެވެ.

ބީއެމްއެލް އިން ބުނީ ރޯދަމަހުގެ އެއްވަނަ ދުވަހުން ފެށިގެން ކަސްޓަމަރުންނަށް އިތުރަށް ލުއި ފަސޭހަކުރުމުގެ ގޮތުން ބޭންކް އޮފް މޯލްޑިވްސް އިން ތައާރަފްކުރުމަށް ހަމަޖެހިފައިވާ އައު ހިދުމަތްތަކެއް ވެސް ލިބޭނެ ކަމަށެވެ.

ބީއެމްއެލްއިން ބުނީ ކަސްޓަމަރުންނަށް ފަސޭހައިން ޚިދުމަތް ފޯރުކޮށްދިނުމުގެ ގޮތުން ބައެއް ޚިދުމަތްތަކަށް ބަދަލުގެންނަކަމަށެވެ. އޭގެތެރޭގައި

ކާޑު ނަގަން ކަސްޓަމަރުން ބޭންކަށް އަންނަން ނުޖެހޭ ގޮތަށް، ކަސްޓަމަރުގެ ގެއަށް ކާޑު ފޮނުވައިދިނުމުގެ ޚިދުމަތް ފެށުން ވެސް ހިމެނެއެވެ.
މިފަދަ ކާޑުތައް އެކްޓިވޭޓްކޮށް ޕިން ބަދަލުކުރެވޭނީ އިންޓަނެޓް ބޭންކިން ނުވަތަ ބޭންކުގެ އެޕް މެދުވެރިކޮށްގެންނެވެ.
ބޭންކުގެ ކާޑުތަކުން، ބޭންކުގެ ޕީއޯއެސް ނުވަތަ އޮންލައިންކޮށް ޕޭމެންޓް ގޭޓްވޭ މެދުވެރިކޮށް ވިޔަފާރިތަކުން ބަލައިގަންނަ ފައިސާ، ދުވަހުގެ ސެޓްލްމެންޓް ފުރިހަމަކޮށްފައިވާނަމަ 24 ގަޑިއިރުތެރޭގައި އެކައުންޓަށް ޖަމާކޮށްދޭނެއެވެ.
ދިމާވާ ގޮތަކުން އޭޓީއެމްއިން ފައިސާ ނެގުމާއި ޖަމާކުރުމުގައި މުއާމަލާތް ފުރިހަމަނުވެ، ފައިސާ ނުނެގޭ ނުވަތަ ޖަމާނުވެދާ ފައިސާ ގަޑިއިރެއްތެރޭ އެކައުންޓަށް އަނބުރާ ޖަމާކޮށްދެވޭކަމަށްވެސް ބޭންކުން ވަނީ ބުނެފަ އެވެ.