އޮޅު ހިޔަލަށް ބުޅާތައް ގެންދަން ފަށައިފި

މަރިޔަމް އަނާ

28 ފެބުރުއަރީ 2025 - 18:54

0 comments

ބުޅާ ގެންގުޅެން އޮޅު ހިޔާގެ ނަންދީފައިވާ އިމާރާތް

ހުޅުމާލޭ ދެވަނަ ފިޔަވަހީގައި ގާއިމުކުރި ޕެޓް ކެއާ ފެސިލިޓީ "އޮޅު ހިޔާ" އަށް ބުޅާތައް ގެންދަން ފަށައިފި އެވެ.

އެކްރިކަލްޗާ މިނިސްޓްރީން މިއަދު "އެކްސް"ގައި ކުރި ޕޯސްޓުގައި ބުނީ އޮޅު ހިޔާ ފެސިލިޓީއާ އެ މިނިސްޓްރީން ހަވާލުވިތާ އެންމެ 16 ގަޑިއިރުތެރޭ މިނިސްޓްރީގެ ޓީމުން އައު ކަރަންޓީނު ސަރަޙައްދަށް ބޭނުންވާ ވަސީލަތްތައް ގާއިމުކޮށް އެންމެހާ ކަންކަން ފުރިހަމަކޮށްފައިވާ ކަމަށެވެ. އަދި މިހާތަނަށް، 15 ބުޅާ އެތަނަށް ގެނެވިފައިވާ ކަމަށް އެ މިނިސްޓްރީން ބުންޏެވެ.

އަދި އެކަން ހާސިލް ކުރެވުނީ މިނިސްޓްރީގެ ޓާސްކް ފޯހުން ހުއްޓުމެއްނެތި ކުރި މަސައްކަތާއި، ހިތްވަރާއިއެކު އެއްބާރުލުން ދެއްވި އެންޖީއޯތަކުގެ މިންނެތް މަސައްކަތުގެ ސަބަބުން ކަމަށް މިނިސްޓްރީން ބުންޏެވެ.

މާލޭގެ އެކި ސަރައްހައްދުތަކުގައި ބުޅާ ގިނަވެފައިވާއިރު އޭގެ ސަބަބުން މަގުމަތީ ހިނގާބިނގާވެ އުޅޭ މީހުންނަށް ވެސް ދައްޗާ ކުރިމަތިވެ އެވެ.

"އޮޅު ހިޔާ" އަކީ މާލޭގެ މަގުތައްމަތީގައި ބުޅާތައް ގިނަވެ، އެކަމުގެ ސަބަބުން ތަފާތު މައްސަލަތައް ދިމާވަމުންދާތީ އެކަށޭނެ ހައްކެއް ހޯދަން ހެދި ތަނެކެވެ.

އެ ހިޔާގައި މި ވަގުތު ހަތަރު މީހުން މަސައްކަތްކުރެ އެވެ. އެއީ ޖަނަވާރުގެ ޑޮކްޓަރަކާއި އިދާރީ ތިން މުވައްޒަފުންނެވެ. ނަރުހުންނާއި އެހީތެރިކަން ދިނުމަށް ދެން އުޅޭނީ ހިލޭ ސާބަހަށް މަސައްކަތްކުރާ ބައެކެވެ.

ސިޓީ ކައުންސިލުން ކުރިން ނިންމާފައި އޮތީ މާލޭގައި އުޅޭ 2،000-3،000 ބުޅާ، ފެސިލިޓީއަށް ގެންގޮސް ބަލަހައްޓާށެވެ.