ސައްހަ ވިސާއާއެކު މަސައްކަތް ކުރާ ބިދޭސީން އިތުރުވެއްޖެ

މަރިޔަމް އަނާ

04 މާޗް 2025 - 22:37

0 comments

ސައްހަ ވިސާއާއެކު މަސައްކަތް ކުރާ ބިދޭސީންގެ އަދަދު އިތުރުވަމުންދާ ކަމަށް އިމިގްރޭޝަނުން ބުނެފި އެވެ.

މާލޭގެ މާރުކޭޓުތަކުގައި ގަވައިދާ ޚިލާފަށް ބިދޭސީން ވިޔަފާރިކުރާކަމުގެ ޝަކުވާތައް ގިނަ ބަޔަކު ކުރެއެވެ. އެ ޝަކުވާތަކާ ގުޅިގެން އިމިގްރޭޝަނުން ވަނީ ރޯދަމަހަށް ޚާއްސަ އޮޕަރޭޝަނެއް މާރުކޭޓުތަކުގައި ކުރިއަށްގެންގޮސްފައެވެ.

އެ އޮޕަރޭޝަނާ ގުޅޭ ގޮތުން އިމިގްރޭޝަނުން އެކްސްގައި ހިއްސާކުރި މައުލޫމާތުގައި ބުނީ، އެ އޮޕަރޭޝަންގައި ގިނަ އަދަދެއްގެ ބިދޭސީންތަކެއް ބަލާފާސްކުރިއިރު، ސައްހަ ވިސާގެ ދަށުން އެ ބިދޭސީއަކު މަސައްކަތްކުރުމަށް ހަމަޖެހިފައި ހުރި ތަނުގައި މަސައްކަތް ކުރަމުންދާ ބިދޭސީންގެ އަދަދު ގިނަކަން ފާހަގަ ކުރެވޭކަމަށެެވެ.

އެއާއެކު އިމިގްރޭޝަނުން ބުނީ ދެން ބަލާ ފާސްކުރީ މާލޭގެ ލޯކަލް މާރުކޭޓާއި ދަތުރުވެރިންގެ މާރުކޭޓު ކަމަށެވެ. މި އޮޕަރޭޝަން ހިންގުމުގެ ދެ ދުވަސް ކުރިން އިމިގްރޭޝަންގެ އޮފިސަރުން ބިދޭސީން ތިބި ގޮޅިތައް ސިއްރުން ދެނެގަނެފައިވާ ކަމަށާއި އެއަށްފަހު ފެބްރުއަރީ 24 ވަނަ ދުވަހު އަލުން އެ ގޮޅިތައް ބަލާ ބިދޭސީންގެ ލިޔެކިޔުންތައް ޗެކް ކޮށްފައިވާކަމަށް އިމިގްރޭޝަނުން ވަނީ ބުނެފަ އެވެ.

ގަވާއިދާ ހިލާފަށް އުޅޭ ބިދޭސީން ހޯދަން އިމިގްރޭޝަނުން މާލެ ސަރަހައްދުގައި ކުރިއަށް ގެންދާ އޮޕަރޭޝަންގެ ތެރޭގައި މިހާތަނަށް ގިނަ އަދަދެއްގެ ބަޔަކު އަތުލައިގެންފައިވެ އެވެ. އަދި އޭގެ ތެރެއިން 5،000 އަށް ވުރެ ގިނަ މީހުން މިހާތަނަށް ޑިޕޯޓްކޮށްފައިވެ އެވެ.