ސަރުކާރު ބަންދު ނަމަވެސް މާދަމާ ޕާސްޕޯޓު ދޫކުރާނެ

އައިމިނަތު ޝިޔާޒާ

05 ފެބުރުއަރީ 2025 - 10:59

0 comments

މާދަމާ އަކީ ސަރުކާރު ބަންދު ދުވަހެއް ނަމަވެސް ޕާސްޕޯޓް ދޫކުރުމުގެ ހިދުމަތް ލިބޭނެ ކަމަށް އިމިގްރޭޝަނުން ބުނެފި އެވެ.

ސަރުކާރު ބަންދު ނަމަވެސް، އިމުގާ ޕޯޓަލް މެދުވެރިކޮށް 24 ގަޑިއިރު ޕާސްޕޯޓަށް އެދި ހުށަހެޅޭނެ އެވެ.

ޕާސްޕޯޓާ ހަވާލުވުމަށް ނަންބަރު ދޫކުރާނީ މާދަމާގެ ހެނދުނު 08:30އިން މެންދުރު 14:00އާ ހަމައަށެވެ.

މާދަމާ ޕާސްޕޯޓްހގެ ހިދުމަތް ލިބޭނީ ވެލާނާގ ބިލްޑިންގުގެ އެއްވަނަ ފަންގިފިލާގައި ހުންނަ އިމިގްރޭޝަންގެ އޮފީހުންނާއި ހުޅުމާލެ ފޭސް އެކެއްގައި ހުންނަ އުމަރު ޒާހިރު ބިލްޑިންގުގެ އިތުރުން ހުޅުމާލޭ ފޭސް ދޭއްގެ ވިނަރެސް 1، 2ވަނަ ފަންގިފިލައިންނެވެ.

މާދަމާ ރަސްމީ ބަންދު ދުވަހަކަށް ހަމަޖެއްސީ މި އަހަރުގެ ފުރަތަމަ ދައުރަށް މަޖިލިސް ހުޅުވާތީ އެވެ. އެގޮތުން ޖަލްސާގައި ރައީސް ޑރ. މުހައްމަދު މުއިއްޒު ރިޔާސީ ބަޔާން ވެސް އިއްވަވާނެ އެވެ.