ކަނޑު ބޯޓެއްގައި ޑްރަގް އެތެރެކުރި މީހުންގެ ވަނަވަރު އާންމުކޮށްފި

އިސްމާއިލް ރިޒާ

22 މާޗް 2025 - 23:02

0 comments

ހަތް ކިލޯގެ ޑްރަގް އެތެރެކުރި މައްސަލައިގައި ހައްޔަރުކުރި ބިދޭސީން --- ފޮޓޯ/ ފުލުހުން

ރާއްޖެއަށް ކަނޑުމަގުން ހަތް ކިލޯގެ މަސްތުވާތަކެތި އެތެރެކުރަން އުޅުނު ބިދޭސީންގެ ވަނަވަރު މިއަދު ހާމަކޮށްފި އެވެ.

ފުލުހުން ބުނީ އެ މީހުން ހައްޔަރުކުރީ ރޭ ދަންވަރު ހިންގި އޮޕަރޭޝަނެއްގައި މާލެ ސަރަހައްދުން ބޯޓެއް ބަލައި ފާސްކޮށް މަސްތުވާތަކެތި ކަމަށް ތުހުމަތު ކުރެވޭ ހަތް ކިލޯއަށްވުރެ ގިނަ ތަކެއްޗާއެކު ކަމަށެވެ.

އެމްއެންޑީއެފް އާއި ކަސްޓަމްސް އަދި ފުލުހުން ގުޅިގެން ހިންގި އެ އޮޕަރޭޝަނުގައި ހައްޔަރުކުރި މީހުންގެ ތެރޭގައި ހިމެނެނީ އިންޑިއާގެ ހަތް މީހަކާއި އިންޑޮނީޝިއާގެ ތިން މީހެކެވެ.

އެ މައްސަލާގައި ހައްޔަރުކުރި 10 މީހުންނަކީ:

- އިންޑޮނޭޝިއާގެ ނަސްވަން އާދިލް (30އ)

- އިންޑޮނޭޝިއާގެ އެޑްރިއަންސަޔާ (25އ)

- އިންޑޮނޭޝިއާގެ މުހައްމަދު އިގްބާލް މަކްރޫމް (30އ)

- އިންޑިއާގެ ޕްރަބާކަރަން ނަގަރާޖަން (35އ)

- އިންޑިއާގެ ރޯމަންސް ސަންތިޔާ ފެނާންޑޯ (58އ)

- އިންޑިއާގެ ގަނޭޝް ބޮމްމާލީ (22އ)

- އިންޑިއާގެ ޑަތުކިލޭ ދަރްޝަން ވިޖޭ (22އ)

- އިންޑިއާގެ ޕީޓާ ވިނީ (28އ)

- އިންޑިއާގެ ސަރަން ޕަދްމަން (28އ)

- އިންޑިއާގެ ގޯސިކް ރާޖް ޖޭމްސް ނޮކްސް (30އ)

ފުލުހުން ހައްޔަރުކުރި 10 ބިދޭސީންގެ ތެރެއިން ފަސް ބިދޭސީއަކަށް ކްރިމިނަލް ކޯޓުން ވަނީ ފަސް ދުވަހަށް ބަނދުގެ މުއްދަތު ޖަހައިފައެވެ. ބާކީ ފަސް މީހުންނަށް ބަންދުގެ މުއްދަތު ޖަހާފައި ވަނީ އެންމެ ދުވަހަކަށެވެ.

މި މައްސަލައިގެ ތަފްސީލް އަދި މިހާތަނަށް ފުލުހުން ހާމަކޮށްފައެއް ނުވެއެވެ.