ސަރުކާރުން ސްޕޯޓްސް ކޮމްޕްލެކްސް ތަރައްގީކުރަން ނިންމާފައިވާ ފަސް ރަށުގެ ތެރޭގައި އިހަވަންދޫ

އިސްމާއިލް ރިޒާ

28 މާޗް 2025 - 23:06

1 comments

ސަރުކާރުން ސްޕޯޓްސް ކޮމްޕްލެކްސް ތަރައްގީކުރަން ނިންމާފައިވާ ފަސް ރަށުގެ ތެރޭގައި ހއ. އިހަވަންދޫ ހިމެނިއްޖެ އެވެ.

އިހަވަންދޫގެ އިތުރުން ސްޕޯރޓްސް ކޮމްޕްލެކްސް އަޅުމަށް ނިންމާފައިވަނީ އޭދަފުށި، މާމިނގިލި، ލ. ގަން އަދި ލ. ފޮނަދޫގައެވެ.

ރާއްޖެއަށް ބަލާއިރު، ކުޅިވަރުގެ ބޮޑެތި ހަރަކާތްތައް އަބަދުވެސް ބާއްވަމުން އަންނަނީ މާލެ ސަރަޙައްދުގަ އެވެ. ކުޅިވަރުގެ ހަރަކާތްތަކާ އެކިއެކި ގައުމީ ގިނަ މުބާރާތްތައްވެސް ބާއްވަމުން އަންނަނީ މާލޭގަ އެވެ.

ނަމަވެސް ސަރުކާރުގެ މިހާރުގެ އަމާޒަކީ މާލެއެކޭ އެއްގޮތަށް، އަތޮޅުތަކުގައި ތިބި ކުޅިވަރު ކުޅުންތެރިންނަށް ބޭނުންވާ ވަސީލަތްތައް އެ ސަރަޙައްދުތަކުން ފޯރުކޮށްދިނުމަށެވެ. މިއީ ހެލިފެލިވުމާއި ކުޅިވަރުގެ ރޫހު އާލާކޮށް، ކުޅިވަރަށް ލޯބިކުރާ ޖީލެއް ބިނާކުރުމަށް ކުރަމުންދާ މަސައްކަތްތަކެވެ.

މި ކޮމްޕްލެކްސްތަކަކީ ހޭންޑްބޯލް، ނެޓްބޯލް، ވޮލީބޯލް އަދި ބާސްކެޓްބޯޅައިގެ ބައިނަލްއަގްވާމީ ފެންވަރުގެ މުބާރާތްތައް ބޭއްވޭ ފެންވަރަށް ތަރައްގީކުރާ އިމާރާތްތަކެއް ކަމަށް ސަރުކާރުން ބުނެ އެވެ.

ސަރުކާރުން ސްޕޯޓްސް ކޮމްޕްލެކްސް ތަރައްގީކުރަން ނިންމާފައިވާ 5 ރަށުގެ ތެރޭގައި އިހަވަންދޫ ހިމެނޭއިރު، އެކަމަށް ބޭނުންވާ ބިން އެ ރަށު ކައުންސިލުން ހޯދުމުގެ މަސައްކަތް ސްޕޯޓްސް މިނިސްޓްރީއިން އަންނަނީ ކުރަމުން ނެވެ.