ދިރާގު ފުވައްމުލަކު ރަން 2025 ކާމިޔާބު ކަމާއެކު ނިންމާލައިފި

އަލީ ރާޒީ

03 މެއި 2025 - 13:40

0 comments

ދިރާގު ފުވައްމުލަކު ރަން 2025 -- ފޮޓޯ/ ދިރާގު

ދިރާގު ފުވައްމުލަކު ރަން 2025 ކާމިޔާބު ކަމާއެކު ނިންމާލައިފި އެވެ.

މިއީ ރާއްޖޭގެ އެންމެ ބޮޑު އަދި އެންމެ މަގްބޫލު ދުވުން ކަމަށްވާ ދިރާގު މޯލްޑިވްސް ރޯޑް ރޭސް (ޑީއެމްއާރުއާރު)ގެ އެޑިޝަނެއް އަތޮޅުތެރޭގައި ބޭއްވި ފުރަތަމަ ފަހަރެވެ.

ފުވައްމުލަކުގައި މި ދުވުން ބޭއްވީ ފުވައްމުލަކު ސިޓީ ކައުންސިލް، ފުވައްމުލަކު އަންހެނުންގެ ތަރައްގީއަށް މަސައްކަތްކުރާ ކޮމިޓީ އަދި އެތްލެޓިކްސް އެސޯސިއޭޝަންއާ ގުޅިގެންނެވެ.

މި ތާރީޚީ ދުވުމުގައި ދުނިޔޭގެ އެކި ކަންކޮޅުތަކުން 1،112 ވަނީ ބައިވެރިވެފައެވެ. މި ދުވުމުގައި ހިމެނުނު ކެޓަގަރީތަކުގެ ތެރޭގައި ފަސް ކިލޯމީޓަރުު، 10 ކިލޯމީޓަރު އަދި ހާފް މެރަތަން ހިމެނެއެވެ.

ޑީމްއެމްއާރުއާރު އާއި އެއްފަދައިން، ދިރާގު ފުވައްމުލައް ރަންގައި ބައިވެރިވެ، އެކިއެކި ވަނަތައް ހޯދި ދުވުންތެރިންނަށް ޖުމްލަ 232،000 ރުފިޔާގެ ފައިސާގެ އިނާމު ދިރާގުން ވަނީ ހަވާލުކޮށްފައެވެ.

ދިރާގު ފުވައްމުލައް ރަން 2025ގައި ވަނަވަނައަށް ގޮސްފައިވާ ދުވުންތެރިން

ހާފް މެރަތަން (ފިރިހެން):

އެއްވަނަ: ޝިފާޒު މުހައްމަދު
ދެވަނަ: ހުސައިން ފަޒީލް
ތިންވަނަ: ކިރަން ސިންގް ބޮގަޓީ

ހާފް މެރަތަން (އަންހެން):

އެއްވަނަ: އައިޝަތު ޖިނާނީ އިބްރާހީމް
ދެވަނަ: ޝަޒްނާ މުހައްމަދު
ތިންވަނަ: ހުސްނާ މުހައްމަދު

ކިލޯމީޓަރު (ފިރިހެން):

އެއްވަނަ: މުހައްމަދު އިރުފާން
ދެވަނަ: މުހައްމަދު ރަޝީދު
ތިންވަނަ: އަބްދުﷲ ރަޝީދު

ކިލޯމީޓަރު (އަންހެން):

އެއްވަނަ: ނިޒްމީނާ އަހުމަދު
ދެވަނަ: އަނާން އަހްމަދު ރަޝީދު
ތިންވަނަ: އާމިނަތު ނައުފާ ރަޝީދު

ކިލޯމީޓަރު އޯޕަން (ފިރިހެން):

އެއްވަނަ: ސައިން ފަޒީލް
ދެވަނަ: ޔޫސުފް އިބްރާހީމް
ތިންވަނަ: ކިރަން ސިންގް ބޮގަޓީ

ކިލޯމީޓަރު އޯޕަން (އަންހެން):

އެއްވަނަ: ނިޒްމީނާ އަހްމަދު
ދެވަނަ: ފާތިމަތު ހަސްނާ
ތިންވަނަ: ހުސްނާ މުހައްމަދު

5ކޭ ސްކޫލް 13 އަހަރުން މަތި (ފިރިހެން):

އެއްވަނަ: އަހްމަދު ރޫީ މުހައްމަދު
ދެވަނަ: އަހްމަދު ޖޫދު މުހައްމަދު
ތިންވަނަ: މުހައްމަދު ޝުއައިބު އަބްދުﷲ

5 ކިލޯމީޓަރު ސްކޫލް 13 އަހަރުން މަތި (އަންހެން):

އެއްވަނަ: ދުއާ އަހްމަދު ވަސީމް
ދެވަނަ: ނީމް އިބްރާހީމް އަހްސަން
ތިންވަނަ: އާއިޝަތު އަމްޝީ އަހްމަދު

5 ކިލޯމީޓަރު ސްކޫލް 13 އަހަރުން ދަށް (ފިރިހެން):

އެއްވަނަ: އާހިލް އިބްރާހީމް މޫސާ
ދެވަނަ: ޔޫސުފް އާކިލް އާމިރު
ތިންވަނަ: މުހައްމަދު އާލް ހަސަން

5 ކިލޯމީޓަރު ސްކޫލް 13 އަހަރުން ދަށް (އަންހެން):

އެއްވަނަ: އާމިނަތު ރައޫމް އަހްމަދު ހަބީބް
ދެވަނަ: މަރްޔަމް ޔުއީން އަބްދުﷲ
ތިންވަނަ: އާމިނަތު ޝަޔާން

ދިރާގު މޯލްޑިވްސް ރޯޑް ރޭސްއަކީ ވޯލްޑް އެތުލެޓިކްސް ސާޓިފައިޑް ރޭސް ރޫޓަކާއެކު އެސޯސިއޭޝަން އޮފް އޮންޓަނޭޝަަލް މެރަތަންސް އެންޑް ޑިސްޓެންސް ރޭސަސް (އެއިމްސް) ވޯލްޑް ރަނިން ކަލަންޑަރުގައި ލިސްޓުކޮށްފައިވާ ރާއްޖޭގެ އެންމެ ފުރަތަމަ އަދި ހަމައެކަނި ބައިނަލްއަގުވާމީ ދުވުމެވެ.

މި ދުވުން މާލޭގެ އިތުރުން ފުވައްމުލަކުގައި ބާއްވައި ޑީއެމްއާރުއާރު ފުޅާ ކުރުމަކީ ދުޅަހެޔޮ، ހީވާގި މުޖުތަމައެއް ބިނާކުރުމަށް އަދި ރާއްޖޭގެ ރީތިކަމަށް ދުނިޔޭގެ ސަމާލުކަން ހޯދައި ލޯކަލް ޓޫރިޒަމް ކުރިއެރުވުމަށް ދިރާގުން އިސްނަގައިގެން ކުރަމުން އަންނަ ބުރަ މަސައްކަތް ދައްކުވައިދޭ ކަމެއް ކަމަށް އެ ކުންފުނިން ބުންޏެވެ.