މަސްތުގެ ހާލަތުގައި ލޯންޗު ދުއްވަނިކޮށް އެކްސިޑެންޓުވެގެން މީހަކު ހައްޔަރުކޮށްފި

އަލީ ރާޒީ

05 މެއި 2025 - 11:42

0 comments

މަސްތުގެ ހާލަތުގައި ހުރެ ލޯންޗު ދުއްވަނިކޮށް އެކްސިޑެންޓުވި މައްސަލައެއްގައި މީހަކު ހައްޔަރުކޮށްފި އެވެ.

ފުލުހުން ބުނީ ކ. އަތޮޅު، ވާދޫ ރިސޯޓާ ދިމާއިން ކަނޑުއޮޅީގެ ބޭރުން ލޯންޗަކާއި ފެރީ ދޯންޏެއް ޖެހި އެކްސިޑެންޓުވި މައްސަލައެއް ރޭގެ 7:26 އެހައިކަންހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

އެ ރިޕޯޓާ ގުޅިގެން ފުލުހުން އެ ސަރަހައްދަށް ގޮސް ބެލިބެލުމުން އެކްސިޑެންޓުވި ލޯންޗު ދުއްވަން އިން މީހާ އެ ވަގުތު ހުރީ މަސްތުގެ ހާލަތުގައިގަން ދެނެގަނެވިފައިވާ ކަމަށް ފުލުހުން ވަނީ ބުނެފައެވެ.

ލޯންޗު ދުއްވަން އިނީ މ. ކޮޅުފުށީ ޒަހީރާމަންޒިލް، އުމުރުން 41 އަހަރުގެ ނާޝާދު ވަލީދު މުޙައްމަދެވެ.

އޭނާ ވަނީ ފުލުހުންގެ ބެލުމުގެ ދަށަށް ގެެންގޮސްފައި ކަމަށާއި އެ އެކްސިޑެންޓުގައި އެއްވެސް މީހަކަށް އަނިޔާނުވާ ކަމަށް ފުލުހުން ވަނީ ބުނެފައެވެ.