އުރީދުއަށް އޭޝިއާ ޕެސިފިކް ސްޓީވީ އެވޯޑްސްގައި ޝަރަފުވެރި 2 އެވޯޑް ލިބިއްޖެ

ހަސަން ހަލީމް

16 ޖޫން 2025 - 15:17

0 comments

އޭޝިއާ ޕެސިފިކް 'ސްޓީވީ އެވޯޑްސް' ގައި އުރީދޫ މޯލްޑިވްސް އަށް ދެ އެވޯޑެއް ލިބިއްޖެ އެވެ.

އުރީދުއަށް ލިބުނު ދެ އެވޯޑަކީ:

ގޯލްޑް ސްޓީވީ އެވޯޑް (އެކްސެލެންސް އިން އިނޮވޭޝަން އިން ޓެކްނޮލޮޖީ އިންޑަސްޓްރީޒް) - ކަސްޓަމަރުންގެ ބޭނުންތަކަށް އަމާޒުކޮށްގެން ޒަމާނީ އަދި އީޖާދީ ޓެކްނޮލޮޖީތަކާއި ސޮލިއުޝަންތައް މެދުވެރިކޮށް ރާއްޖޭގެ ޑިޖިޓަލް މާހައުލު އަލުން ބައްޓަން ކުރުމުގައި އުރީދޫގެ ދައުރު ފާހަގަކުރުމަށް
ސިލްވާ ސްޓީވީ އެވޯޑް (އިނޮވޭޓިވް އެޗީވްމަންޓް އިން ކޯޕަރޭޓް ސޯޝަލް ރެސްޕޮންސިބިލިޓީ) - އެއާ އެމްބިއުލާންސް ހިދުމަތަށް ފޯރުކޮށްދިން އެހީއަށް

އުރީދޫއިން ބުނީ ޓެކްނޮލޮޖީގެ ކުރިއެރުމާއި، އިޖުތިމާއީ ޒިންމާއަދާ ކުރުމަށް އުރީދޫއިން ކުރަމުން އަންނަ މަސައްކަތުގެ އަގު ވަޒަންކޮށް، ބައިނަލްއަގްވާމީ ފެންވަރުގައި ބަލައިގަތުމަކީ ލިބޭ ވަރަށް ބޮޑު ޝަރަފެއް ކަމަށެވެ.

އޭޝިއާ ޕެސިފިކް ސްޓީވީ އެވޯޑަކީ އޭޝިއާ ޕެސިފިކް ސަރަހައްދުގެ 29 ގައުމެއްގައި މަސައްކަތުގެ މާހައުލުގައި އިނޮވޭޝަން ބަލައިގަންނަ ހަމައެކަނި ބިޒްނަސް އެވޯޑްސް އެވެ.