އެމްޓީސީސީގެ ހިއްސާއަކަށް 2ރ. ބަހަން ފާސްކޮށްފި

އަލީ ރާޒީ

18 ޖޫން 2025 - 12:22

0 comments

މިދިޔަ އަހަރު އެމްޓީސީސީއަށް ލިބުނު ފައިދާއިން ހިއްސާއަކަށް 2ރ. ބަހަން ފާސްކޮށްފި އެވެ.

މި ގޮތަށް ފާސްކުރީ ރޭ ބާސެލޯ ނަސަންދުރާގައި ބޭއްވި އެމްޓީސީސީގެ އަހަރީ އާންމު ޖަލްސާގަ އެވެ.

މި ޖަލްސާގައި ޖުމްލަ 156 ހިއްސާދާރުން ބައިވެރިވިއިރު މި އަދަދު ބަހަން ފާސްވީ ޖަލްސާގައި ބައިވެރިވި ހިއްސާދާރުންގެ 99.5 ޕަސެންޓްގެ ވޯޓުންނެވެ.

އެމްޓީސީސީގެ އަހަރީ ރިޕޯޓުގައިވާ ގޮތުން މިދިޔަ އަހަރު އެ ކުންފުންޏަށް އާމްދަނީގެ ގޮތުގައި 2.1 ބިލިއަން ރުފިޔާ ލިބުނެވެ.

އާމްދަނީގެ ތެރެއިން 79.8 ޕަސެންޓަކީ ކޮންސްޓްރަކްޝަން އަދި ޑްރެޖިން އާމްދަނީ އެވެ.

އެމްޓީސީސީގެ 2024 ވަނަ އަހަރުގެ މާލީ ހިސާބުތަކަށް ބަލާ އިރު، އެ އަހަރު ޓެކުހަށް ކެނޑުމަށް ފަހު ސާފު ފައިދާގެ ގޮތުގައި ލިބުނީ 44.8 މިލިޔަން ރުފިޔާ އެވެ. މިއީ އޭގެ އަހަރށް ފައިދާގެ ގޮތުގައި ލިބުނު 96.6 މިލިޔަން ރުފިޔާއާއި އަޅާބަލާއިރު 53.6 ޕަސެންޓް ދަށް އަދަދެކެވެ.