ޑިންގީއެއްގައި ދަތުރުކުރި 75 އަހަރުގެ މީހަކު ގެއްލިގެން ހޯދަނީ

މަރިޔަމް އަނާ

10 ޖުލައި 2025 - 23:55

0 comments

ގެއްލިގެން ހޯދަމުން އަންނަ މީހާ --

ޑިންގީއެއްގައި ގދ. ގައްދޫއިން އެ އަތޮޅު ގަމަށް ދަތުރުކުރި 75 އަހަރުގެ ދިވެހި ފިރިހެނަކު ގެއްލިގެން ހޯދަން ފަށައިފިއެވެ.

ފުލުހުން ބުނީ މިއަދު ހެނދުނު 9:30 ހާއިރު ގައްދޫ އިން ފުރި މީހާ ގެއްލިގެން ރިޕޯޓްކޮށްފައިވަނީ މިއަދު ހަވީރު ކަމަށެވެ.

އެމީހާ އެންމެ ފަހުން ލައިގެން ހުރީ ނޫކުލައިގެ އަތްކުރު ގަމީހަކާއި ކަޅުކުލައިގެ ސޯޓެއް ކަމަށް ފުލުހުން މައުލޫމާތު ދީފައިވެ އެވެ.

ގެއްލުނު މީހާ ހޯދުމުގެ ސިފައިން ދަނީ ކުރަމުންނެވެ. އެގޮތުން ކަނޑާއި، ގަމާއި، އެ ސަރަހައްދުގެ ފަޅު ރަށްތައްވެސް ދަނީ ބަލަމުންނެވެ.

ގދ. ގަމަކީ ގައްދޫގެ އިހްތިސާސުގެ ތެރޭގައި ހިމެނޭ ފަޅުރަށެކެވެ. އަދި އެ ރަށަކީ ގުދުރަތީ ގޮތުން ރާއްޖޭގައި އުފެދިފައި އޮތް ދެވަނައަށް އެންމެ ބޮޑު ރަށެވެ.