ފުލުހުންނަށް ޖަޕާނުން ލޯންޗްތަކެއް ހަދިޔާކޮށްފި

އަލީ އާމިރު

18 އޯގަސްޓް 2025 - 15:22

0 comments

ޖަޕާން ސަރުކާރުން ދިވެހި ފުލުހުންގެ ހިދުމަތަށް ފަސް ލޯންޗު މިއަދު ހަދިޔާކޮށްފި އެވެ.

މި ލޯންޗުތައް ހަވާލުކޮށްފައިވަނީ ދޫނިދޫގައި މިއަދު ބޭއްވި ރަސްމިޔާތެއްގަ އެވެ.

ފުލުހުންގެ ފަރާތުން މި އުޅަނދުތަކާ ހަވާލުވެވަޑައިގަތީ ކޮމިޝަނާ އޮފް ޕޮލިސް އިސްމާއީލް ނަވީން އެވެ. ޖަޕާން ސަރުކާރުގެ ފަރާތުން މި އުޅަނދުތައް ހަވާލުކޮށްދެއްވީ ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު އިޝިގާމީ ރުމިކޯ އެވެ.

މި ރަސްމިއްޔާތުގައި، ޑެޕިއުޓީ ކޮމިޝަނާ އޮފް ޕޮލިސް ފަރުހާދު ފިކުރީ އާއި ފުލުހުންގެ އެގްޒެކެޓިވް އޮފިސަރުންނާއި ޖަޕާން ސަރުކާރުގެ އެހެނިހެން އިއްޒަތްތެރިން ބައިވެރިވެވަޑައިގެންނެވި އެވެ.

މިދިޔަ އަހަރުގެ ޖުލައި 14 ގައި ޖަޕާން ސަރުކާރުން ފުލުހުންނަށް 54 ކާރާއި ހަތަރު ވޭނު ވެސް ހަދިޔާކޮށްފައިވެ އެވެ. އަދި އެއްގަމު އުޅަނދާއި ކަނޑު އުޅަނދުގެ އިތުރުން ޑްރަގް ފީލްޑް ޓެސްޓު ކިޓް ޕްރިކާސާ ފީލްޑް ޓެސްޓު ކިޓް އަދި ރަމަން ހޭންޑްހެލްޑް ފީލްޑް އައިޑެންޓިފިކޭޝަން ކިޓުގެ އިތުުރުން އެހެނިހެން ތަކެތި ވެސް ހަދިޔާކޮށްފައިވެ އެވެ.