ޓެކްސް އެޕީލް ޓްރައިބިއުނަލް އައްޔަނުކުރަން ފޮނުވި ނަންތަކުގެ ކުރީގައި އޮތީ މަހާޒްގެ ނަން

އަލީ ރާޒީ

02 އޮކްޓޫބަރ 2025 - 12:46

0 comments

ޓެކްސް އެޕީލް ޓްރައިބިއުނަލްއަށް އައްޔަނުކުރަން ފެނޭތޯ ބެލުމަށް ރައްޔިތުންގެ މަޖިލީހަށް ރައީސް މުހައްމަދު މުއިއްޒު ފޮނުއްވި ނަންތަކުގެ ތެރޭގައި ޖުޑީޝަލް ސާވިސް ކޮމިޝަނުން ހިންގި ކުއްލި ގައިރު ގާނޫނީ ތަހުގީގަކަށް ފަހު ވަކިކުރި ސުޕްރީމް ކޯޓުގެ ކުރީގެ ފަނޑިޔާރު މަހާޒް އަލީ ޒާހިރު ހިމެނިވަޑައިގެންފި އެވެ.

އާންމު ގޮތެއްގައި މަޖިލީހުން މިފަދަ މަގާމުތަކަށް ރުހުންދޭއިރު ބަލަނީ ރައީސް އެ މަގާމަކަށް އައްޔަން ކުރަން ނަންތައް ފޮނުވާ ތަރުތީބަށެވެ.

މިއަދުގެ މަޖިލިސް ޖަލްސާގައި ރައީސް ފޮނުއްވި ސިޓީ އިއްވާފައިވާއިރު، ޓްރައިބުނަލްގެ ހުސްވެފައިވާ ދެ މެންބަރުންގެ މަގާމަށް އެ މަނިކުފާނު ފޮނުއްވި ހަތް ބޭފުޅުންގެ ތެރެއިން ލިސްޓުގެ އެންމެ ކުރީގައި އޮތީ މަހާޒްގެ ނަމެވެ.

ދެވަނަ އަށް އޮތީ ރ. ހުޅުދުއްފާރު، ރޯޒްވިލާ، އާޝިޔާ އަޒީމާގެ ނަމެވެ.

އެ ލިސްޓުގައި ދެން ހިމެނެނީ:

- އިބްރާހިމް އަފީފު- ގުލްބަހާރުގެ/ ބ. ތުޅާދޫ

- ޝިފާޒް އަލީ- ދަފްތަރު ނަމްބަރު (12504)

- ފާތިމަތު ނައުޝާން- ޅ. ނައިފަރު، ފިޔާތޮށިގެ

- އަހުމަދު ޔާމީން- ބީޗްކޯނަރު، ގދ. ގައްދޫ

- ޝައުފާ އިބްރާހިމް- އަކިރިވިލާ، ދ. މީދޫ

މިއީ ޓެކްސް އެޕީލް ޓްރައިބިއުނަލްގެ ދެ މަގާމެއް ހުސްވުމާ އެކު، އެ މަގާމުތަކަށް ކުރިމަތިލާން ހުޅުވައިލުމުން ލިބިވަޑައިގެންނެވި ނަންތައް ކަމަށް ރައީސް މުއިއްޒު މަޖިލިހަށް ފޮނުއްވި ސިޓީގައި ވިދާޅުވި އެވެ.

އެ ބޭފުޅުންގެ ނަންތައް ދިރާސާ ކުރަން މަޖިލިހުގެ ރިޔާސަތުން މިއަދު ވަނީ މަޖިލިހުގެ ޖުޑިޝަރީ ކޮމިޓީ އަށް ފޮނުވައިފަ އެވެ.