ސަމާލު، އިންފްލުއެންޒާ އާއި ޑެންގީ ފެތުރެނީ

އަލީ ރާޒީ

25 ނޮވެމްބަރ 2025 - 10:33

0 comments

މާލޭގައި އިންފްލުއެންޒާ އަދި މާލެ އަތޮޅުގެ ދެ ރަށެއްގައި ޑެންގީ ވަރަށް ގަދައަށް ފެތުރެމުންދާ ކަމަށް ކުޑަކުދިންގެ ބަލިތަކުގެ ހާއްސަ ޑޮކްޓަރު އަހުމަދު ފައިސަލް ވިދާޅުވެއްޖެ އެވެ.

ޑރ. ފައިސަލްގެ އަމިއްލަ އެކްސް އެކައުންޓުގައި އިއްޔެ ކުރެއްވި ޕޯސްޓެއްގައި ވިދާޅުވީ، މާލޭގައި އިންފުލުއެންޒާ ފެތުރޭ ވިންވަރު ވަރަށް ބޮޑަށް އިތުރުވެފައިވާ ކަމަށެވެ.

ކާފު އަތޮޅުގައި ޑެންގީ ވަރަށް ގިނަވެެއްޖެ ކަމަށާއި، ހާއްސަކޮށް ހިންމަފުށްޓާއި މާފުށީގައި ޑެންގީގެ ކޭސްތައް ގިނަ އުޅޭ އޭނާ ބުންޏެވެ.

އިންފްލެއެންޒާގައި އެންމެ ނުރައްކާތެރި ވަނީ ކުޑަކުދިންނާއި މުސްކުޅިން، އަދި މާބަންޑު އަންހެނުންނެވެ.