ދިރާގުގެ ކަސްޓަމަރުންނަށް ހަފުތާއަކަށް ލަންކާ އަށް ހިލޭ ގުޅޭނެ

ހަސަން ހަލީމް

28 ނޮވެމްބަރ 2025 - 18:58

0 comments

ގިނަ އަދަދެއްގެ ދިވެހިން ދިރިއުޅޭ އަދި އެކި ބޭނުންތަކަށް ގޮސް އުޅޭ ސްރީ ލަންކާ އަށް މިހާރު ކުރަމުންދާ ގަދަ ވިއްސާރާއާ ގުޅިގެން އެ ތަނުގައި ދިރިއުޅޭ މީހުންނަށް ހަފުތާއެއްގެ މުއްދަތަށް ހިލޭ ގުޅޭނެ އެޑް-އޮން އެއް ދިރާގުން މިއަދު ތައާރަފްކޮށްފި އެވެ.

މި އެޑް އޮން އެކްޓިވޭޓު ކޮށްގެން އެއް ހަފްތާ ވަންދެން ލަންކާއަށް ހިލޭ ގުޅޭނެ އެވެ. އެޑް-އޮން އެކްޓިވޭޓު ކުރެވޭނީ މާދަމާގެ ނިޔަލަށް #225* އަށް ޑައިލް ކޮށްގެންނެވެ.

ދިރާގުން ބުނިގޮތުގައި އެ އެޑްއޮން އެކްޓިވޭޓް ކުރުމުން ކޮންމެ ދުވަހަކު 30 މިނެޓަށް ހިލޭ ގުޅޭނެ އެވެ.

މި އެޑް-އޮން މާދަމާގެ ނިޔަލަށް އެކްޓިވޭޓް ކުރެވޭނެ ކަަށް ދިރާގުން ވަނީ ބުނެފަ އެވެ.

މިދިޔަ ދެ ދުވަހުގެ ތެރޭގައި ސްރީލަންކާއަށް ވަނީ ވަރަށް ބޯކޮށް ވާރޭވެހި، ފެންބޮޑުވެ، ބިންގަނޑު ކަނޑައިގެން ދިއުމުގެ ހާދިސާތައް ކުރިމަތިވެފައެވެ. މީގެ ސަބަބުން ދަތުރުފަތުރުގެ މަގުތަކަށް ހުރަސްއެޅި، ގެދޮރަށް ގެއްލުންވެފައިވާއިރު، މޫސުމާބެހޭ އިދާރާތަކުން ވަނީ ގިނަ އަދަދެއްގެ މޫސުމީ އިންޒާރުތައް ނެރެފައެވެ.