ވިލިމާލޭ ހޮސްޕިޓަލުގެ އެއްބަސްވުމުގައި ސޮއިކޮށްފި

އަލީ އާމިރު

19 ޖެނުއަރީ 2026 - 14:51

0 comments

ވިލިމާލޭގައި ޗައިނާ ސަރުކާރުގެ އެހީގައި އަޅާ ހޮސްޕިޓަލަށް 'ޗައިނާ-މޯލްޑިވްސް ފްރެންޑްޝިޕް ހޮސްޕިޓަލް'ގެ އިމްޕްލިމެންޓޭޝަން އެއްބަސްވުމުގައި މިއަދު ސޮއިކޮށްފި އެވެ.

މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން ހައުސިން އެންޑް އިންފްރަސްޓްރަކްޗާ މިނިސްޓަރު ޑރ.ޢަބްދުﷲ މުއްޠަލިބެވެ. މިއީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު 2024 ވަނަ އަހަރުގެ ޖަނަވަރީ މަހު ޗައިނާއަށް ކުރެއްވި ދަތުރުފުޅުގެ ތެރެއިން ހަމަޖެހުނު މަޝްރޫއެކެވެ.

މި މަޝްރޫއުގެ ދަށުން ތަރައްގީކުރާ ހޮސްޕިޓަލަކީ 112 އެނދުގެ ޒަމާނީ ފެންވަރުގެ ހޮސްޕިޓަލެކެވެ. މި ހޮސްޕިޓާ ގާއިމުކުރުމަށްޓަކައި ހަދަންޖެހޭ ފީސިބިލިޓީ ސްޓީތަކާއި ސާވޭތައް ހަދައި ނިންމާފަައި އޮތްއިރު ދެން އޮންނާނީ ހޮސްޕިޓާ އެޅުމުގެ އަމަލީ މަސައްކަތެވެ.

އެ ހޮސްޕިޓަލްގެ މަސައްކަތް ދެ އަހަރުން ނިންމާލެވޭނެ ކަމަށް މިނިސްޓަރު މުއްތޮލިބު މީގެ ކުރިން ވަނީ ވިދާޅުވެފަ އެވެ.