އާރްޓީއެލް ފެރީގެ ހިދުމަތް މިމަހު އިތުރު ދެ އަތޮޅެއްގައި ފަށަނީ

ހުސެން ރަޝީދު

06 މާޗް 2026 - 12:02

0 comments

ރާއްޖެ ޓްރާންސްޕޯޓް ލިންކް (އާރްޓީއެލް) ފެރީގެ ހިދުމަތް މ. އަތޮޅާއި ލ. އަތޮޅުގައި ފެށުމަށް ތައްޔާރުވެއްޖެ އެވެ.

2022 ވަނަ އަހަރު ފެށި މި ހިދުމަތަކީ، ދަތުރުފަތުރުގެ ދާއިރާއަށް ހާއްސަ އިސްކަމެއް ދީގެން، ކަނޑައެޅިފައިވާ ތާވަލާ އެއްގޮތަށް ކުރިއަށްގެންދާ، ތަރުހީބު އޮތް މަސައްކަތެއް ނަމަވެސް، ދަތުރުކުރާ ފެރީތައް އިތުރުނުކޮށް ހިދުމަތް ފުޅާކުރަމުން ދިއުމުން، ކުރިން ފެރީ ފެށި އަތޮޅުތަކުގައި ޝެޑިއުލާއި އެއްގޮތަށް ކުރިޔަށް ނުދާތީ ރައްޔިތުންގެ ކަންބޮޑުވުން އަންނަނީ އިތުރުވަމުންވެ.

ނޫސްވެރިންނަށް މައުލޫމާތު ދެއްވަމުން މިފަހުން ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވީ މ. އަތޮޅާއި ލ. އަތޮޅުގައި މިމަހުގެ ތެރޭގައި އާރްޓީއެލް ފެރީގެ ހިދުމަތް ފެށުމަށް އެންމެ ފަހުގެ ތައްޔާރީތައް ވަމުންދާ ކަމަށެވެ.

އާރުޓީއެލް ފެރީގެ ހިދުމަތް އެންމެ ފަހުން ފެށީ ފ. އަތޮޅާއި ދ. އަތޮޅުގައެވެ. އެ ދެ އަތޮޅުގައި އާރްޓީއެލް ފެރީ ހިދުމަތް ފެށީ މިދިޔަ މަހުުގެ 17 ވަނަ ދުވަހު އެވެ. ފ އަދި ދ އަތޮޅު ހިމެނޭހެން ރާއްޖޭގެ 14 އަތޮޅުގައި މިހާތަނަށް އާރްޓީއެލްގެ ހިދުމަތް މިވަނީ ފަށާފަ އެވެ. މި ދެ އަތޮޅުގައި ބޭނުންކުރަމުންދާ ފެރީތަކަކީ އިންޑިއާގެ ސަރުކާރުގެ އެހީގައި ބަނދެފަވާ އުޅަނދުތަކެކެވެ.