
ފަހި ފުލެޓެއް ކުއްޔަށް ދޭން އިއުލާންކޮށްފައިވާ މައްސަލައަކާ ގުޅިގެން ހަމްދާން މިއަދު އެކްސްގައި ހިއްސާކުރެއްވި ޕޯސްޓެއްގައި ވިދާޅުވީ، އެ މައްސަލައާ ގުޅޭ މައުލޫމާތު ލިބުމާއެކު އެ މައްސަލަ ތަހުގީގުކުރުމަށް އެފްޑީސީގެ ޓީމަށް އަންގަވާފައިވާނެ ކަމަށެވެ.ހަމްދާން ވިދާޅުވީ ސަރުކާރުން އިޖްތިމާއީ ބޯހިޔާވަހިކަމަށް ދޫކޮށްފައިވާ ފްލެޓްތައް ކުއްޔަށް ދިނުމަކީ މި ހައްގު ކަށަވަރުކޮށްދިނުމަށް ސަރުކާރުން ކުރަމުންދާ މަސައްކަތްތަކަށް ހުރަސްއެޅޭނެ ކަމެއް ކަމަށެވެ. މިއީ ގޯސް އަމަލެއްކަން ފާހަގަކޮށް ހަމްދާން ވަނީ ފްލެޓްތައް ފައިދާ ހޯދާ ވިޔަފާރިއަކަށް ހެދުމަކީ ކޮންމެ ދިވެއްސެއްގެ ހައްގަށް އަރައިގަތުން ކަމަށް ވިދާޅުވެފަ އެވެ.